दाएँ बाज़ू में गड़ा तीर नहीं खींच सका
इस लिए ख़ोल से शमशीर नहीं खींच सका
शोर इतना था कि आवाज़ भी डब्बे में रही
भीड़ इतनी थी कि ज़ंजीर नहीं खींच सका
हर नज़र से नजर-अंदाज़-शुदा मंज़र हूँ
वो तमाशा हूँ जो रहगीर नहीं खींच सका
कर के तस्वीर-कशी बच्चों को पाला लेकिन
उन के बचपन की तसावीर नहीं खींच सका
मुझ पे इक हिज्र मुसल्लत है हमेशा के लिए
ऐसा जिन्न है कि कोई पीर नहीं खींच सका
वक़्त ने खींचा था इक हाथ मिरे हाथों से
लेकिन उस लम्स की तासीर नहीं खींच सका
तुम पे क्या ख़ाक असर होगा मिरे शे'रों का
तुम को तो मीर-तक़ी-'मीर' नहीं खींच सका
daa.eñ baazū meñ gaḌā tiir nahīñ khīñch sakā
is liye ḳhol se shamshīr nahīñ khīñch sakā
shor itnā thā ki āvāz bhī Dabbe meñ rahī
bhiiḌ itnī thī ki zanjīr nahīñ khīñch sakā
har nazar se nazar-andāz-shuda manzar huuñ
vo tamāsha huuñ jo rahgīr nahīñ khīñch sakā
kar ke tasvīr-kashī bachchoñ ko paalā lekin
un ke bachpan kī tasāvīr nahīñ khīñch sakā
mujh pe ik hijr musallat hai hamesha ke liye
aisā jinn hai ki koī piir nahīñ khīñch sakā
vaqt ne khīñchā thā ik haath mire hāthoñ se
lekin us lams kī tāsīr nahīñ khīñch sakā
tum pe kyā ḳhaak asar hogā mire she'roñ kā
tum ko to mīr-taqī-'mīr' nahīñ khīñch sakā
دائیں بازو میں گڑا تیر نہیں کھینچ سکا
اس لئے خول سے شمشیر نہیں کھینچ سکا
شور اتنا تھا کہ آواز بھی ڈبے میں رہی
بھیڑ اتنی تھی کہ زنجیر نہیں کھینچ سکا
ہر نظر سے نظر انداز شدہ منظر ہوں
وہ تماشہ ہوں جو رہ گیر نہیں کھینچ سکا
کر کے تصویر کشی بچوں کو پالا لیکن
ان کے بچپن کی تصاویر نہیں کھینچ سکا
مجھ پہ اک ہجر مسلط ہے ہمیشہ کے لئے
ایسا جن ہے کہ کوئی پیر نہیں کھینچ سکا
وقت نے کھینچا تھا اک ہاتھ مرے ہاتھوں سے
لیکن اس لمس کی تاثیر نہیں کھینچ سکا
تم پہ کیا خاک اثر ہوگا مرے شعروں کا
تم کو تو میر تقی میرؔ نہیں کھینچ سکا