बदन का तफ़सीली जाएज़ा घूम कर लिया है
'इलाक़ा आफ़त-ज़दा है मा'लूम कर लिया है
कोई लतीफ़ा था जिस में यारों का ज़िक्र आया
उसे हँसाना था ख़ुद को मग़्मूम कर लिया है
मैं ख़ुश हूँ अब नाम होगा फ़ेहरिस्त-ए-अहल-ए-ग़म में
जभी बिछड़ने का फ़ैसला झूम कर लिया है
सनद रहे ताकि और ज़रूरत के वक़्त काम आए
तमाम-तर इज़्तिराब मंज़ूम कर लिया है
ये कौन शौक़ीन है ख़ला के मुशाहिदे का
मिरी तरफ़ किस ने कैमरा ज़ूम कर लिया है
बदन में सिर्फ़ एक की जगह थी सो मैं ने ख़ुद को
तुम्हारी मौजूदगी में मा'दूम कर लिया है
ज़बान सी लौ निकाल कर मुँह चिढ़ा रहा था
हवा ने बदला चराग़ को चूम कर लिया है
badan kā tafsīlī jā.eza ghuum kar liyā hai
'ilāqa āfat-zada hai mā'lūm kar liyā hai
koī latīfa thā jis meñ yāroñ kā zikr aayā
use hañsānā thā ḳhud ko maġhmūm kar liyā hai
maiñ ḳhush huuñ ab naam hogā fehrist-e-ahl-e-ġham meñ
jabhī bichhaḌne kā faisla jhuum kar liyā hai
sanad rahe taaki aur zarūrat ke vaqt kaam aa.e
tamām-tar iztirāb manzūm kar liyā hai
ye kaun shauqīn hai ḳhalā ke mushāhide kā
mirī taraf kis ne camera zoom kar liyā hai
badan meñ sirf ek kī jagah thī so maiñ ne ḳhud ko
tumhārī maujūdgī meñ mā'dūm kar liyā hai
zabān sī lau nikāl kar muñh chiḌhā rahā thā
havā ne badla charāġh ko chuum kar liyā hai
بدن کا تفصیلی جائزہ گھوم کر لیا ہے
علاقہ آفت زدہ ہے معلوم کر لیا ہے
کوئی لطیفہ تھا جس میں یاروں کا ذکر آیا
اسے ہنسانا تھا خود کو مغموم کر لیا ہے
میں خوش ہوں اب نام ہو گا فہرست اہل غم میں
جبھی بچھڑنے کا فیصلہ جھوم کر لیا ہے
سند رہے تاکہ اور ضرورت کے وقت کام آئے
تمام تر اضطراب منظوم کر لیا ہے
یہ کون شوقین ہے خلا کے مشاہدے کا
مری طرف کس نے کیمرا زوم کر لیا ہے
بدن میں صرف ایک کی جگہ تھی سو میں نے خود کو
تمہاری موجودگی میں معدوم کر لیا ہے
زبان سی لو نکال کر منہ چڑھا رہا تھا
ہوا نے بدلہ چراغ کو چوم کر لیا ہے