बड़े तहम्मुल से रफ़्ता रफ़्ता निकालना है
बचा है जो तुझ में मेरा हिस्सा निकालना है
ये रूह बरसों से दफ़्न है तुम मदद करोगे
बदन के मलबे से इस को ज़िंदा निकालना है
नज़र में रखना कहीं कोई ग़म-शनास गाहक
मुझे सुख़न बेचना है ख़र्चा निकालना है
निकाल लाया हूँ एक पिंजरे से इक परिंदा
अब इस परिंदे के दिल से पिंजरा निकालना है
ये तीस बरसों से कुछ बरस पीछे चल रही है
मुझे घड़ी का ख़राब पुर्ज़ा निकालना है
ख़याल है ख़ानदान को इत्तिलाअ' दे दूँ
जो कट गया उस शजर का शजरा निकालना है
मैं एक किरदार से बड़ा तंग हूँ क़लमकार
मुझे कहानी में डाल ग़ुस्सा निकालना है
baḌe tahammul se rafta rafta nikālnā hai
bachā hai jo tujh meñ merā hissa nikālnā hai
ye ruuh barsoñ se dafn hai tum madad karoge
badan ke malbe se is ko zinda nikālnā hai
nazar meñ rakhnā kahīñ koī ġham-shanās gāhak
mujhe suḳhan bechnā hai ḳharcha nikālnā hai
nikāl laayā huuñ ek piñjre se ik parinda
ab is parinde ke dil se piñjra nikālnā hai
ye tiis barsoñ se kuchh baras pīchhe chal rahī hai
mujhe ghaḌī kā ḳharāb purza nikālnā hai
ḳhayāl hai ḳhāndān ko ittilā.a de duuñ
jo kaT gayā us shajar kā shajara nikālnā hai
maiñ ek kirdār se baḌā tang huuñ qalamkār
mujhe kahānī meñ Daal ġhussa nikālnā hai
بڑے تحمل سے رفتہ رفتہ نکالنا ہے
بچا ہے جو تجھ میں میرا حصہ نکالنا ہے
یہ روح برسوں سے دفن ہے تم مدد کرو گے
بدن کے ملبے سے اس کو زندہ نکالنا ہے
نظر میں رکھنا کہیں کوئی غم شناس گاہک
مجھے سخن بیچنا ہے خرچہ نکالنا ہے
نکال لایا ہوں ایک پنجرے سے اک پرندہ
اب اس پرندے کے دل سے پنجرہ نکالنا ہے
یہ تیس برسوں سے کچھ برس پیچھے چل رہی ہے
مجھے گھڑی کا خراب پرزہ نکالنا ہے
خیال ہے خاندان کو اطلاع دے دوں
جو کٹ گیا اس شجر کا شجرہ نکالنا ہے
میں ایک کردار سے بڑا تنگ ہوں قلم کار
مجھے کہانی میں ڈال غصہ نکالنا ہے