बाग़बाँ मुझ से ख़फ़ा था बे-समर होता था मैं
था तो पहला पेड़ पर आख़िर में तर होता था मैं
जो गुज़रता पास से मेरे वो टकराता ज़रूर
इस क़दर दिखता नहीं था जिस क़दर होता था मैं
कुछ न कुछ होता है सब में मैं था सब का सब ख़ला
उस जगह कुछ भी न होता था जिधर होता था मैं
फिर उसी हालत का नाम इक रोज़ हैरानी पड़ा
रोज़ जिस हालत में उस को देख कर होता था मैं
उन दिनों मैं और वीरानी थे बिल्कुल एक शय
सब चले जाते थे घर से और घर होता था मैं
तेरे होते और भी कुछ हो ये ना-मुम्किन था सो
कुछ न होना होना मुश्किल था मगर होता था मैं
मुझ से हो कर सब निगाहें उस पे टिक जातीं 'उमैर'
वो मुज़य्यन कमरा और शीशे का दर होता था मैं
bāġhbāñ mujh se ḳhafā thā be-samar hotā thā maiñ
thā to pahlā peḌ par āḳhir meñ tar hotā thā maiñ
jo guzartā paas se mere vo Takrātā zarūr
is qadar dikhtā nahīñ thā jis qadar hotā thā maiñ
kuchh na kuchh hotā hai sab meñ maiñ thā sab kā sab ḳhalā
us jagah kuchh bhī na hotā thā jidhar hotā thā maiñ
phir usī hālat kā naam ik roz hairānī paḌā
roz jis hālat meñ us ko dekh kar hotā thā maiñ
un dinoñ maiñ aur vīrānī the bilkul ek shai
sab chale jaate the ghar se aur ghar hotā thā maiñ
tere hote aur bhī kuchh ho ye nā-mumkin thā so
kuchh na honā honā mushkil thā magar hotā thā maiñ
mujh se ho kar sab nigāheñ us pe Tik jātīñ 'umair'
vo muzayyan kamra aur shīshe kā dar hotā thā maiñ
باغباں مجھ سے خفا تھا بے ثمر ہوتا تھا میں
تھا تو پہلا پیڑ پر آخر میں تر ہوتا تھا میں
جو گزرتا پاس سے میرے وہ ٹکراتا ضرور
اس قدر دکھتا نہیں تھا جس قدر ہوتا تھا میں
کچھ نہ کچھ ہوتا ہے سب میں میں تھا سب کا سب خلا
اس جگہ کچھ بھی نہ ہوتا تھا جدھر ہوتا تھا میں
پھر اسی حالت کا نام اک روز حیرانی پڑا
روز جس حالت میں اس کو دیکھ کر ہوتا تھا میں
ان دنوں میں اور ویرانی تھے بالکل ایک شے
سب چلے جاتے تھے گھر سے اور گھر ہوتا تھا میں
تیرے ہوتے اور بھی کچھ ہو یہ نا ممکن تھا سو
کچھ نہ ہونا ہونا مشکل تھا مگر ہوتا تھا میں
مجھ سے ہو کر سب نگاہیں اس پہ ٹک جاتیں عمیرؔ
وہ مزین کمرہ اور شیشے کا در ہوتا تھا میں