ज़ुल्मात का सफ़र है चलो बोलते रहो
खो जाओगे ख़मोश न हो बोलते रहो
इस शहर-ए-ख़ामुशी में हो ज़िंदा सुबूत दो
ये चुप की क़ब्र छोड़ो उठो बोलते रहो
चुप रहना कुफ़्र और ख़मोशी हराम है
मोमिन हो दीन-ए-इश्क़ के तो बोलते रहो
इतनी तवील रात हमें काटनी है साथ
बे-अंत दास्तान कहो बोलते रहो
अपना हसीन ख़्वाब सुनाते रहो मुझे
ये ख़्वाब टूटने ही न दो बोलते रहो
ये सारी काएनात ख़मोशी का रक़्स है
आवाज़ में सबात है सो बोलते रहो
जितना सुनोगे उतना सुनाएँगे तुम को लोग
दुनिया की एक भी न सुनो बोलते रहो
फिर से ये काएनात बनाओगे ऐ ख़ुदा
तो कुन से बन न पाएगी गो बोलते रहो
सी दी गई है आँख ज़बाँ चाक ज़ेहन कुंद
और हुक्म है कि चुप न रहो बोलते रहो
zulmāt kā safar hai chalo bolte raho
kho jāoge ḳhamosh na ho bolte raho
is shahr-e-ḳhāmushī meñ ho zinda subūt do
ye chup kī qabr chhoḌo uTho bolte raho
chup rahnā kufr aur ḳhamoshī harām hai
momin ho dīn-e-ishq ke to bolte raho
itnī tavīl raat hameñ kāTnī hai saath
be-ant dāstān kaho bolte raho
apnā hasīn ḳhvāb sunāte raho mujhe
ye ḳhvāb TūTne hī na do bolte raho
ye saarī kā.enāt ḳhamoshī kā raqs hai
āvāz meñ sabāt hai so bolte raho
jitnā sunoge utnā sunā.eñge tum ko log
duniyā kī ek bhī na suno bolte raho
phir se ye kā.enāt banāoge ai ḳhudā
to kun se ban na pā.egī go bolte raho
sī dī ga.ī hai aañkh zabāñ chaak zehn kund
aur hukm hai ki chup na raho bolte raho
ظلمات کا سفر ہے چلو بولتے رہو
کھو جاؤ گے خموش نہ ہو بولتے رہو
اس شہر خامشی میں ہو زندہ ثبوت دو
یہ چپ کی قبر چھوڑو اٹھو بولتے رہو
چپ رہنا کفر اور خموشی حرام ہے
مومن ہو دین عشق کے تو بولتے رہو
اتنی طویل رات ہمیں کاٹنی ہے ساتھ
بے انت داستان کہو بولتے رہو
اپنا حسین خواب سناتے رہو مجھے
یہ خواب ٹوٹنے ہی نہ دو بولتے رہو
یہ ساری کائنات خموشی کا رقص ہے
آواز میں ثبات ہے سو بولتے رہو
جتنا سنو گے اتنا سنائیں گے تم کو لوگ
دنیا کی ایک بھی نہ سنو بولتے رہو
پھر سے یہ کائنات بناؤ گے اے خدا
تو کن سے بن نہ پائے گی گو بولتے رہو
سی دی گئی ہے آنکھ زباں چاک ذہن کند
اور حکم ہے کہ چپ نہ رہو بولتے رہو