ज़ियादा कम का कहाँ वो हिसाब रखता है
उजाला सब के लिए माहताब रखता है
वो देख लेता है हर शय को अपनी आँखों से
और अपने हुस्न को ज़ेर-ए-नक़ाब रखता है
जो ख़त को पढ़ लो मो'अत्तर दिमाग़ हो जाए
वो हर्फ़ हर्फ़ में बू-ए-गुलाब रखता है
ये और बात है ख़ामोश है वो मस्लहतन
जो हर सवाल का अच्छा जवाब रखता है
तुम उस के रंज को किस तरह जान पाओगे
सजा के रुख़ पे जो दिल की किताब रखता है
बग़ैर उस की इजाज़त के छू नहीं सकते
वो दाने दाने का अपने हिसाब रखता है
उसी को मिलती है ता'बीर-ए-नौ की शादाबी
जो अपनी आँखों में ख़ुश-रंग ख़्वाब रखता है
कोई शुमार नहीं उस का इस ज़माने में
जो गुफ़्तुगू में 'ज़फ़र' जी जनाब रखता है
ziyāda kam kā kahāñ vo hisāb rakhtā hai
ujālā sab ke liye māhtāb rakhtā hai
vo dekh letā hai har shai ko apnī āñkhoñ se
aur apne husn ko zer-e-naqāb rakhtā hai
jo ḳhat ko paḌh lo mo'attar dimāġh ho jaa.e
vo harf harf meñ bū-e-gulāb rakhtā hai
ye aur baat hai ḳhāmosh hai vo maslahatan
jo har savāl kā achchhā javāb rakhtā hai
tum us ke ranj ko kis tarh jaan pāoge
sajā ke ruḳh pe jo dil kī kitāb rakhtā hai
baġhair us kī ijāzat ke chhū nahīñ sakte
vo daane daane kā apne hisāb rakhtā hai
usī ko miltī hai tā'bīr-e-nau kī shādābī
jo apnī āñkhoñ meñ ḳhush-rang ḳhvāb rakhtā hai
koī shumār nahīñ us kā is zamāne meñ
jo guftugū meñ 'zafar' jī janāb rakhtā hai
زیادہ کم کا کہاں وہ حساب رکھتا ہے
اجالا سب کے لئے ماہتاب رکھتا ہے
وہ دیکھ لیتا ہے ہر شے کو اپنی آنکھوں سے
اور اپنے حسن کو زیر نقاب رکھتا ہے
جو خط کو پڑھ لو معطر دماغ ہو جائے
وہ حرف حرف میں بوئے گلاب رکھتا ہے
یہ اور بات ہے خاموش ہے وہ مصلحتاً
جو ہر سوال کا اچھا جواب رکھتا ہے
تم اس کے رنج کو کس طرح جان پاؤ گے
سجا کے رخ پہ جو دل کی کتاب رکھتا ہے
بغیر اس کی اجازت کے چھو نہیں سکتے
وہ دانے دانے کا اپنے حساب رکھتا ہے
اسی کو ملتی ہے تعبیر نو کی شادابی
جو اپنی آنکھوں میں خوش رنگ خواب رکھتا ہے
کوئی شمار نہیں اس کا اس زمانے میں
جو گفتگو میں ظفرؔ جی جناب رکھتا ہے