बर्क़ की ज़द में जब आशियाना पड़ा
हौसला बढ़ गया मुस्कुराना पड़ा
आग शबनम की सूरत निहाँ जिन में है
ऐसे फूलों से दामन बचाना पड़ा
ज़िंदा रहने की ख़ातिर नए दौर में
बोझ अश्कों का तन्हा उठाना पड़ा
रात भर जो अँधेरों से लड़ते रहे
उन चराग़ों को दिन में बुझाना पड़ा
मुझ को पिंजरे के पंछी की याद आ गई
राह में जब कोई क़ैद-ख़ाना पड़ा
मोम के वास्ते घर उजाड़े गए
शहद की मक्खियों को उड़ाना पड़ा
ज़ब्त करता मगर जब वो मय्यत चली
सब के हम-राह आँसू बहाना पड़ा
शाख़ से गीत सब को सुनाता था जो
उस परिंदे पे किस का निशाना पड़ा
जब चराग़ों ने भी साथ छोड़ा 'ज़फ़र'
रौशनी के लिए दिल जलाना पड़ा
barq kī zad meñ jab āshiyāna paḌā
hausla baḌh gayā muskurānā paḌā
aag shabnam kī sūrat nihāñ jin meñ hai
aise phūloñ se dāman bachānā paḌā
zinda rahne kī ḳhātir na.e daur meñ
bojh ashkoñ kā tanhā uThānā paḌā
raat bhar jo añdheroñ se laḌte rahe
un charāġhoñ ko din meñ bujhānā paḌā
mujh ko piñjre ke panchhī kī yaad aa ga.ī
raah meñ jab koī qaid-ḳhāna paḌā
mom ke vāste ghar ujāḌe ga.e
shahd kī makkhiyoñ ko uḌānā paḌā
zabt kartā magar jab vo mayyat chalī
sab ke ham-rāh aañsū bahānā paḌā
shāḳh se giit sab ko sunātā thā jo
us parinde pe kis kā nishāna paḌā
jab charāġhoñ ne bhī saath chhoḌā 'zafar'
raushnī ke liye dil jalānā paḌā
برق کی زد میں جب آشیانہ پڑا
حوصلہ بڑھ گیا مسکرانا پڑا
آگ شبنم کی صورت نہاں جن میں ہے
ایسے پھولوں سے دامن بچانا پڑا
زندہ رہنے کی خاطر نئے دور میں
بوجھ اشکوں کا تنہا اٹھانا پڑا
رات بھر جو اندھیروں سے لڑتے رہے
ان چراغوں کو دن میں بجھانا پڑا
مجھ کو پنجرے کے پنچھی کی یاد آ گئی
راہ میں جب کوئی قید خانہ پڑا
موم کے واسطے گھر اجاڑے گئے
شہد کی مکھیوں کو اڑانا پڑا
ضبط کرتا مگر جب وہ میت چلی
سب کے ہمراہ آنسو بہانا پڑا
شاخ سے گیت سب کو سناتا تھا جو
اس پرندے پہ کس کا نشانہ پڑا
جب چراغوں نے بھی ساتھ چھوڑا ظفرؔ
روشنی کے لئے دل جلانا پڑا