ज़ीस्त के अंधेरे में रौशनी नहीं आती
याद आज-कल मुझ को आप की नहीं आती
मौत से बहुत पहले लोग मरते देखे हैं
रास हर किसी को ये ज़िंदगी नहीं आती
आइना हूँ उल्फ़त का मैं इसी लिए मुझ को
दोस्ती तो आती है दुश्मनी नहीं आती
आप जैसे करते हैं भूल कर ज़माने को
उस तरह मुझे करनी बंदगी नहीं आती
जो भी काम करते हैं दिल लगा के करते हैं
आप की क़सम हम को दिल-लगी नहीं आती
जब तलक शजर को हम सींचते नहीं जड़ तक
तब तलक तो उस में भी ताज़गी नहीं आती
कर दिया है ज़ख़्मों ने 'यासमीं' का दिल पत्थर
मुस्कुराते होंटों पर अब हँसी नहीं आती
ziist ke añdhere meñ raushnī nahīñ aatī
yaad āj-kal mujh ko aap kī nahīñ aatī
maut se bahut pahle log marte dekhe haiñ
raas har kisī ko ye zindagī nahīñ aatī
aa.ina huuñ ulfat kā maiñ isī liye mujh ko
dostī to aatī hai dushmanī nahīñ aatī
aap jaise karte haiñ bhuul kar zamāne ko
us tarah mujhe karnī bandagī nahīñ aatī
jo bhī kaam karte haiñ dil lagā ke karte haiñ
aap kī qasam ham ko dil-lagī nahīñ aatī
jab talak shajar ko ham sīñchte nahīñ jaḌ tak
tab talak to us meñ bhī tāzgī nahīñ aatī
kar diyā hai zaḳhmoñ ne 'yāsmīñ' kā dil patthar
muskurāte hoñToñ par ab hañsī nahīñ aatī
زیست کے اندھیرے میں روشنی نہیں آتی
یاد آج کل مجھ کو آپ کی نہیں آتی
موت سے بہت پہلے لوگ مرتے دیکھے ہیں
راس ہر کسی کو یہ زندگی نہیں آتی
آئنہ ہوں الفت کا میں اسی لیے مجھ کو
دوستی تو آتی ہے دشمنی نہیں آتی
آپ جیسے کرتے ہیں بھول کر زمانے کو
اس طرح مجھے کرنی بندگی نہیں آتی
جو بھی کام کرتے ہیں دل لگا کے کرتے ہیں
آپ کی قسم ہم کو دل لگی نہیں آتی
جب تلک شجر کو ہم سینچتے نہیں جڑ تک
تب تلک تو اس میں بھی تازگی نہیں آتی
کر دیا ہے زخموں نے یاسمیںؔ کا دل پتھر
مسکراتے ہونٹوں پر اب ہنسی نہیں آتی