ज़ख़्म जब दिल के पसंदीदा नहीं होते थे
मसअले इतने भी पेचीदा नहीं होते थे
अब किसी क़ब्र को बैठे हैं ग़ज़ल-गाह किए
सब की नज़रों में जो संजीदा नहीं होते थे
जुज़्वी तक़्सीम किया था ग़म-ए-दौराँ ने हमें
चीदा होते थे जहाँ चीदा नहीं होते थे
नज़र आ जाता था असग़र का लहू मक़्तल में
हाशमी यूँही तो नम-दीदा नहीं होते थे
तह-ब-तह खुलते थे इस आँख में दुनिया के वुजूद
राज़ इस जिस्म में पोशीदा नहीं होते थे
जादुई ज़ुल्फ़ मयस्सर थी मिरे फूलों को
मुद्दतों बा'द भी बोसीदा नहीं होते थे
zaḳhm jab dil ke pasandīda nahīñ hote the
mas.ale itne bhī pechīda nahīñ hote the
ab kisī qabr ko baiThe haiñ ġhazal-gāh kiye
sab kī nazroñ meñ jo sanjīda nahīñ hote the
juzvī taqsīm kiyā thā ġham-e-daurāñ ne hameñ
chīda hote the jahāñ chīda nahīñ hote the
nazar aa jaatā thā asġhar kā lahū maqtal meñ
hāshmī yūñhī to nam-dīda nahīñ hote the
tah-ba-tah khulte the is aañkh meñ duniyā ke vujūd
raaz is jism meñ poshīda nahīñ hote the
jāduī zulf mayassar thī mire phūloñ ko
muddatoñ baa'd bhī bosīda nahīñ hote the
زخم جب دل کے پسندیدہ نہیں ہوتے تھے
مسئلے اتنے بھی پیچیدہ نہیں ہوتے تھے
اب کسی قبر کو بیٹھے ہیں غزل گاہ کیے
سب کی نظروں میں جو سنجیدہ نہیں ہوتے تھے
جزوی تقسیم کیا تھا غم دوراں نے ہمیں
چیدہ ہوتے تھے جہاں چیدہ نہیں ہوتے تھے
نظر آ جاتا تھا اصغر کا لہو مقتل میں
ہاشمی یوںہی تو نم دیدہ نہیں ہوتے تھے
تہ بہ تہ کھلتے تھے اس آنکھ میں دنیا کے وجود
راز اس جسم میں پوشیدہ نہیں ہوتے تھے
جادوئی زلف میسر تھی مرے پھولوں کو
مدتوں بعد بھی بوسیدہ نہیں ہوتے تھے