आसमाँ ओढ़े हुए सू-ए-ज़मीं होता है
'ईद का चाँद सितारों में नहीं होता है
बा'ज़ औक़ात तुझे देख के जी उठते हैं
बा'ज़ औक़ात तो ऐसा भी नहीं होता है
तुम को इस ख़ाना-ए-वहशत में ख़ुदा ले आया
शौक़ से कौन मिरे दिल का मकीं होता है
हिज्र में आँख के आँसू भी दु'आ होते हैं
शौक़ में रश्क भी सज्दे की जबीं होता है
जब से पहना है इन आँखों पे बसीरत का लिबास
वो भी दिखता है जो मुमकिन ही नहीं होता है
हम ने देखी हैं वो बिखरी हुई साहिर ज़ुल्फ़ें
हम से पूछो कि ये ग़म कितना हसीं होता है
āsmāñ oḌhe hue sū-e-zamīñ hotā hai
'iid kā chāñd sitāroñ meñ nahīñ hotā hai
baa'z auqāt tujhe dekh ke jī uThte haiñ
baa'z auqāt to aisā bhī nahīñ hotā hai
tum ko is ḳhāna-e-vahshat meñ ḳhudā le aayā
shauq se kaun mire dil kā makīñ hotā hai
hijr meñ aañkh ke aañsū bhī du'ā hote haiñ
shauq meñ rashk bhī sajde kī jabīñ hotā hai
jab se pahnā hai in āñkhoñ pe basīrat kā libās
vo bhī dikhtā hai jo mumkin hī nahīñ hotā hai
ham ne dekhī haiñ vo bikhrī huī sāhir zulfeñ
ham se pūchho ki ye ġham kitnā hasīñ hotā hai
آسماں اوڑھے ہوئے سوئے زمیں ہوتا ہے
عید کا چاند ستاروں میں نہیں ہوتا ہے
بعض اوقات تجھے دیکھ کے جی اٹھتے ہیں
بعض اوقات تو ایسا بھی نہیں ہوتا ہے
تم کو اس خانۂ وحشت میں خدا لے آیا
شوق سے کون مرے دل کا مکیں ہوتا ہے
ہجر میں آنکھ کے آنسو بھی دعا ہوتے ہیں
شوق میں رشک بھی سجدے کی جبیں ہوتا ہے
جب سے پہنا ہے ان آنکھوں پہ بصیرت کا لباس
وہ بھی دکھتا ہے جو ممکن ہی نہیں ہوتا ہے
ہم نے دیکھی ہیں وہ بکھری ہوئی ساحر زلفیں
ہم سے پوچھو کہ یہ غم کتنا حسیں ہوتا ہے