ज़हर से ज़हर कटे काँटे से किरची निकले
दे नया दर्द कि ये टीस पुरानी निकले
ज़िंदगी यूँ तो नया लफ़्ज़ नहीं है लेकिन
वक़्त के साथ नए इस के म'आनी निकले
क्यों कोई कोख जो सूनी हो वो शर्मिंदा हो
क्या ज़रूरी है कि हर सीप से मोती निकले
'इश्क़ की झील में उतरो तो सँभल कर उतरो
'ऐन मुमकिन है ये उम्मीद से गहरी निकले
एक वो शख़्स जिसे दिल ने ख़ुदा जाना हो
सोचिए क्या हो अगर वो भी फ़रेबी निकले
छटपटाते हैं उदासी से निकलने को मगर
क़ैद-ए-सय्याद से कैसे कोई पंछी निकले
वो तरीक़ा मुझे मरने का बताओ जिस से
ख़ुद-कुशी भी न लगे जान भी जल्दी निकले
zahr se zahr kaTe kāñTe se kirchī nikle
de nayā dard ki ye Tiis purānī nikle
zindagī yuuñ to nayā lafz nahīñ hai lekin
vaqt ke saath na.e is ke ma'ānī nikle
kyoñ koī kokh jo suunī ho vo sharminda ho
kyā zarūrī hai ki har siip se motī nikle
'ishq kī jhiil meñ utro to sañbhal kar utro
'ain mumkin hai ye ummīd se gahrī nikle
ek vo shaḳhs jise dil ne ḳhudā jaanā ho
sochiye kyā ho agar vo bhī farebī nikle
chhaTpaTāte haiñ udāsī se nikalne ko magar
qaid-e-sayyād se kaise koī panchhī nikle
vo tarīqa mujhe marne kā batāo jis se
ḳhud-kushī bhī na lage jaan bhī jaldī nikle
زہر سے زہر کٹے کانٹے سے کرچی نکلے
دے نیا درد کہ یہ ٹیس پرانی نکلے
زندگی یوں تو نیا لفظ نہیں ہے لیکن
وقت کے ساتھ نئے اس کے معانی نکلے
کیوں کوئی کوکھ جو سونی ہو وہ شرمندہ ہو
کیا ضروری ہے کہ ہر سیپ سے موتی نکلے
عشق کی جھیل میں اترو تو سنبھل کر اترو
عین ممکن ہے یہ امید سے گہری نکلے
ایک وہ شخص جسے دل نے خدا جانا ہو
سوچئے کیا ہو اگر وہ بھی فریبی نکلے
چھٹپٹاتے ہیں اداسی سے نکلنے کو مگر
قید صیاد سے کیسے کوئی پنچھی نکلے
وہ طریقہ مجھے مرنے کا بتاؤ جس سے
خودکشی بھی نہ لگے جان بھی جلدی نکلے