ज़हर-आलूद है हर साँस नहीं ले सकते
मर चुके हैं ये शजर साँस नहीं ले सकते
नींद की गोलियाँ लेते हैं वगरना हम लोग
रात के पिछले पहर साँस नहीं ले सकते
इतनी वुस'अत में घुटन इस को ख़ला कहते हैं
कि खुला घर है मगर साँस नहीं ले सकते
तंग बाज़ार में फ़ेहरिस्त लिए सोचते हैं
और क्या लेंगे अगर साँस नहीं ले सकते
दिल वो घर है कि जो ख़ाली है हवा-दार नहीं
आप रह सकते हैं पर साँस नहीं ले सकते
कैसे ले सकते हैं एहसान कोई डर के बग़ैर
हम तो बे-ख़ौफ़-ओ-ख़तर साँस नहीं ले सकते
बस इसी डर से कि धुँधलाए न वो आइना-रुख़
जब तक उस पर हो नज़र साँस नहीं ले सकते
ठोड़ी ख़ंजर की तरह सीने में चुभती है 'उमैर'
इस क़दर ख़म है कमर साँस नहीं ले सकते
zahr-ālūd hai har saañs nahīñ le sakte
mar chuke haiñ ye shajar saañs nahīñ le sakte
niiñd kī goliyāñ lete haiñ vagarna ham log
raat ke pichhle pahar saañs nahīñ le sakte
itnī vus'at meñ ghuTan is ko ḳhalā kahte haiñ
ki khulā ghar hai magar saañs nahīñ le sakte
tang bāzār meñ fehrist liye sochte haiñ
aur kyā leñge agar saañs nahīñ le sakte
dil vo ghar hai ki jo ḳhālī hai havā-dār nahīñ
aap rah sakte haiñ par saañs nahīñ le sakte
kaise le sakte haiñ ehsān koī Dar ke baġhair
ham to be-ḳhauf-o-ḳhatar saañs nahīñ le sakte
bas isī Dar se ki dhuñdhlā.e na vo ā.ina-ruḳh
jab tak us par ho nazar saañs nahīñ le sakte
ThoḌī ḳhanjar kī tarah siine meñ chubhtī hai 'umair'
is qadar ḳham hai kamar saañs nahīñ le sakte
زہر آلود ہے ہر سانس نہیں لے سکتے
مر چکے ہیں یہ شجر سانس نہیں لے سکتے
نیند کی گولیاں لیتے ہیں وگرنہ ہم لوگ
رات کے پچھلے پہر سانس نہیں لے سکتے
اتنی وسعت میں گھٹن اس کو خلا کہتے ہیں
کہ کھلا گھر ہے مگر سانس نہیں لے سکتے
تنگ بازار میں فہرست لئے سوچتے ہیں
اور کیا لیں گے اگر سانس نہیں لے سکتے
دل وہ گھر ہے کہ جو خالی ہے ہوا دار نہیں
آپ رہ سکتے ہیں پر سانس نہیں لے سکتے
کیسے لے سکتے ہیں احسان کوئی ڈر کے بغیر
ہم تو بے خوف و خطر سانس نہیں لے سکتے
بس اسی ڈر سے کہ دھندھلائے نہ وہ آئنہ رخ
جب تک اس پر ہو نظر سانس نہیں لے سکتے
ٹھوڑی خنجر کی طرح سینے میں چبھتی ہے عمیرؔ
اس قدر خم ہے کمر سانس نہیں لے سکتے