ज़ाहिद को अपने ज़ोह्द पे किस दर्जा नाज़ है
उस ने सुना नहीं कि ख़ुदा बे-नियाज़ है
तुम शम्अ'-रू हो मैं तो मुजस्सम हूँ एक शम्अ'
रग रग में मेरी हालत-ए-सोज़-ओ-गुदाज़ है
ऐ चारा-साज़ पहले निकाल उस को खींच कर
इक तीर सीने में नफ़स-ए-जाँ-गुदाज़ है
ख़िदमत को मेरी आज भी हाज़िर है आसमाँ
वो इस को क्या करे कि मुझे एहतिराज़ है
ज़ाहिद मय-ए-तहूर भी आख़िर शराब है
मुझ को तो मना करता है तू कब मजाज़ है
पहले गुनाहगार ही पहुँचे बहिश्त में
वो तो बड़ा करीम बड़ा बे-नियाज़ है
लिल्लाह ऐ हुजूम-ए-तमन्ना ज़रा ठहर
ये वक़्त-ए-रुख़्सत-ए-नफ़स-ए-जाँ-गुदाज़ है
रोज़-ए-क़यामत आज तो वाइज़ धरा नहीं
इक उम्र चाहिए उसे मुद्दत दराज़ है
ग़ुर्बत में मुझ से पूछती है मेरी बेकसी
याँ ऐ ग़रीब कौन तिरा चारा-साज़ है
ऐ हम-रहाँ बढ़ाए हुए अब क़दम चलो
दिन मुख़्तसर है और मसाफ़त दराज़ है
सोता बना है नाज़ से कोई शब-ए-विसाल
हाँ वाक़ई ये ख़्वाब है ये ख़्वाब-ए-नाज़ है
ऐ दिल न कर हर एक से तू शिकवा-ए-रक़ीब
कम्बख़्त इस में तेरा ही इफ़शा-ए-राज़ है
आख़िर मसीह ने भी लिया अपना हाथ खींच
परवरदिगार तू ही बस अब चारा-साज़ है
तुम और तुम से मेल करे कोई पाक-बाज़
अच्छी कही कि ग़ैर बड़ा पाक-बाज़ है
तर्ज़-ए-सितम कुछ और अब ईजाद कीजिए
तिरछी नज़र तो एक पसंदीदा नाज़ है
'नादिर' निकल गया है अगर कोई शे'र-ए-गर्म
सीने का सोज़ है मिरे दिल का गुदाज़ है
zāhid ko apne zohd pe kis darja naaz hai
us ne sunā nahīñ ki ḳhudā be-niyāz hai
tum sham.a-rū ho maiñ to mujassam huuñ ek sham.a
rag rag meñ merī hālat-e-soz-o-gudāz hai
ai chāra-sāz pahle nikāl us ko khīñch kar
ik tiir siine meñ nafas-e-jāñ-gudāz hai
ḳhidmat ko merī aaj bhī hāzir hai āsmāñ
vo is ko kyā kare ki mujhe ehtirāz hai
zāhid mai-e-tahūr bhī āḳhir sharāb hai
mujh ko to manā kartā hai tū kab majāz hai
pahle gunāhgār hī pahuñche bahisht meñ
vo to baḌā karīm baḌā be-niyāz hai
lillāh ai hujūm-e-tamannā zarā Thahar
ye vaqt-e-ruḳhsat-e-nafas-e-jāñ-gudāz hai
roz-e-qayāmat aaj to vaa.iz dharā nahīñ
ik umr chāhiye use muddat darāz hai
ġhurbat meñ mujh se pūchhtī hai merī bekasī
yaañ ai ġharīb kaun tirā chāra-sāz hai
ai ham-rahāñ baḌhā.e hue ab qadam chalo
din muḳhtasar hai aur masāfat darāz hai
sotā banā hai naaz se koī shab-e-visāl
haañ vāqa.ī ye ḳhvāb hai ye ḳhvāb-e-nāz hai
ai dil na kar har ek se tū shikva-e-raqīb
kambaḳht is meñ terā hī ifshā-e-rāz hai
āḳhir masīh ne bhī liyā apnā haath khīñch
parvardigār tū hī bas ab chāra-sāz hai
tum aur tum se mel kare koī pāk-bāz
achchhī kahī ki ġhair baḌā pāk-bāz hai
tarz-e-sitam kuchh aur ab ījād kījiye
tirchhī nazar to ek pasandīda naaz hai
'nādir' nikal gayā hai agar koī sher-e-garm
siine kā soz hai mire dil kā gudāz hai
زاہد کو اپنے زہد پہ کس درجہ ناز ہے
اس نے سنا نہیں کہ خدا بے نیاز ہے
تم شمع رو ہو میں تو مجسم ہوں ایک شمع
رگ رگ میں میری حالت سوز و گداز ہے
اے چارہ ساز پہلے نکال اس کو کھینچ کر
اک تیر سینہ میں نفس جاں گداز ہے
خدمت کو میری آج بھی حاضر ہے آسماں
وہ اس کو کیا کرے کہ مجھے احتراز ہے
زاہد مئے طہور بھی آخر شراب ہے
مجھ کو تو منع کرتا ہے تو کب مجاز ہے
پہلے گناہ گار ہی پہنچے بہشت میں
وہ تو بڑا کریم بڑا بے نیاز ہے
للہ اے ہجوم تمنا ذرا ٹھہر
یہ وقت رخصت نفس جاں گداز ہے
روز قیامت آج تو واعظ دھرا نہیں
اک عمر چاہئے اسے مدت دراز ہے
غربت میں مجھ سے پوچھتی ہے میری بیکسی
یاں اے غریب کون ترا چارہ ساز ہے
اے ہم رہاں بڑھائے ہوئے اب قدم چلو
دن مختصر ہے اور مسافت دراز ہے
سوتا بنا ہے ناز سے کوئی شب وصال
ہاں واقعی یہ خواب ہے یہ خواب ناز ہے
اے دل نہ کر ہر ایک سے تو شکوۂ رقیب
کمبخت اس میں تیرا ہی افشائے راز ہے
آخر مسیح نے بھی لیا اپنا ہاتھ کھینچ
پروردگار تو ہی بس اب چارہ ساز ہے
تم اور تم سے میل کرے کوئی پاکباز
اچھی کہی کہ غیر بڑا پاکباز ہے
طرز ستم کچھ اور اب ایجاد کیجیے
ترچھی نظر تو ایک پسندیدہ ناز ہے
نادرؔ نکل گیا ہے اگر کوئی شعر گرم
سینہ کا سوز ہے مرے دل کا گداز ہے