कुदूरत बढ़ के आख़िर को निकलती है फ़ुग़ाँ हो कर
ज़मीं ये सर पर आ जाती है इक दिन आसमाँ हो कर
मिरे नक़्श-ए-क़दम ने राह में काँटे बिछाए हैं
बताएँ तो वो घर ग़ैरों के जाएँगे कहाँ हो कर
ख़ुदा से सर-कशी की पीर-ए-ज़ाहिद इस क़दर तू ने
कि तेरा तीर सा क़द हो गया है अब कमाँ हो कर
कोई पूछे कि मय्यत का भी तुम कुछ साथ देते हो
ये आए मर्सिया ले कर वो आए नौहा-ख़्वाँ हो कर
इरादा पीर-ए-ज़ाहिद से है अब तुर्की-ब-तुर्की का
किसी भट्टी पे जा बैठूँगा मैं पीर-ए-मुग़ाँ हो कर
तलाश-ए-यार क्या और सैर क्या ऐ हम-नशीं हम तो
चले और घर चले आए यहाँ हो कर वहाँ हो कर
'सुख़न' की बज़्म में 'नादिर' उसी के सर पे सेहरा है
रहा जो हम-नवा-ए-बुलबुल-ए-हिन्दोस्ताँ हो कर
kudūrat baḌh ke āḳhir ko nikaltī hai fuġhāñ ho kar
zamīñ ye sar par aa jaatī hai ik din āsmāñ ho kar
mire naqsh-e-qadam ne raah meñ kāñTe bichhā.e haiñ
batā.eñ to vo ghar ġhairoñ ke jā.eñge kahāñ ho kar
ḳhudā se sar-kashī kī pīr-e-zāhid is qadar tū ne
ki terā tiir sā qad ho gayā hai ab kamāñ ho kar
koī pūchhe ki mayyat kā bhī tum kuchh saath dete ho
ye aa.e marsiya le kar vo aa.e nauha-ḳhvāñ ho kar
irāda pīr-e-zāhid se hai ab turkī-ba-turkī kā
kisī bhaTTī pe jā baiThūñgā maiñ pīr-e-muġhāñ ho kar
talāsh-e-yār kyā aur sair kyā ai ham-nashīñ ham to
chale aur ghar chale aa.e yahāñ ho kar vahāñ ho kar
'suḳhan' kī bazm meñ 'nādir' usī ke sar pe sehrā hai
rahā jo ham-navā-e-bulbul-e-hindostāñ ho kar
کدورت بڑھ کے آخر کو نکلتی ہے فغاں ہو کر
زمیں یہ سر پر آ جاتی ہے اک دن آسماں ہو کر
مرے نقش قدم نے راہ میں کانٹے بچھائے ہیں
بتائیں تو وہ گھر غیروں کے جائیں گے کہاں ہو کر
خدا سے سرکشی کی پیر زاہد اس قدر تو نے
کہ تیرا تیر سا قد ہو گیا ہے اب کماں ہو کر
کوئی پوچھے کہ میت کا بھی تم کچھ ساتھ دیتے ہو
یہ آئے مرثیہ لے کر وہ آئے نوحہ خواں ہو کر
ارادہ پیر زاہد سے ہے اب ترکی بہ ترکی کا
کسی بھٹی پہ جا بیٹھوں گا میں پیر مغاں ہو کر
تلاش یار کیا اور سیر کیا اے ہم نشیں ہم تو
چلے اور گھر چلے آئے یہاں ہو کر وہاں ہو کر
سخنؔ کی بزم میں نادرؔ اسی کے سر پہ سہرا ہے
رہا جو ہم نوائے بلبل ہندوستاں ہو کر