बढ़ाओ वा'दा-ए-फ़र्दा पे तुम अपनी इबादत भी
कि फ़र्दा क्या न भूलूँगा मैं फ़र्दा-ए-क़यामत भी
शब-ए-ख़ल्वत जब उतरीं कश्तियों पर कश्तियाँ मय की
ज़मीं पर आसमाँ से आ गया दरिया-ए-रहमत भी
तसल्ली इस दिल-ए-बेताब की मैं आप ही कर लूँ
हुजूम-ए-यास से पाऊँ कहीं कम्बख़्त फ़ुर्सत भी
बहम इक मुख़्तसर से दिल में हैं शादी-ओ-ग़म दोनों
ये छोटा सा मकाँ और इस में दोज़ख़ भी है जन्नत भी
सवाल-ए-बोसा पर बोले कि देखो तुम ने फिर छेड़ा
तुम्हें कुछ हो गई है गालियाँ सुनने की आदत भी
यहाँ ज़ाहिद बने हैं और मयख़ाने से कल शब को
निकाले जब गए मय-कश तो उन में ख़ुद बदौलत भी
बने वो मुद्दई मेरे तो मेरे दोस्त बोल उट्ठे
कि हम हाज़िर हैं देने को गवाही भी शहादत भी
वो कहते हैं कि जन्नत भी है इक कूचा हसीनों का
बना लेना उसी कूचे में जा कर अपनी तुर्बत भी
नमाज़-ए-पंजगाना से है बेहतर काम क्या ज़ाहिद
मगर निय्यत से पहले ठीक कर ले अपनी निय्यत भी
बहुत अच्छा रहा जो बच गया इश्क़-ओ-मोहब्बत से
मोहब्बत है कोई ये अहल-ए-दुनिया की मोहब्बत भी
सर-ए-बालीन-ए-तुर्बत सब दिखाने के ये आँसू हैं
दिलों में ये कि हो जाए कहीं जल्दी फ़राग़त भी
फ़ना जब हो गए बहर-ए-हवादिस में तो हम को क्या
किनारे पर अगर कुछ हड्डियाँ पहुँचीं सलामत भी
शब-ए-ग़म नींद भी अव्वल तो क्यों आने लगी मुझ को
अगर सोया तो उठने का नहीं सुब्ह-ए-क़यामत भी
तिरी बातें भी 'नादिर' कितनी लच्छे-दार बातें हैं
कुछ इज़हार-ए-इताअ'त भी कुछ अंदाज़-ए-मतानत भी
baḌhāo va.ada-e-fardā pe tum apnī ibādat bhī
ki fardā kyā na bhūlūñgā maiñ fardā-e-qayāmat bhī
shab-e-ḳhalvat jab utrīñ kashtiyoñ par kashtiyāñ mai kī
zamīñ par āsmāñ se aa gayā dariyā-e-rahmat bhī
tasallī is dil-e-betāb kī maiñ aap hī kar luuñ
hujūm-e-yās se pā.ūñ kahīñ kambaḳht fursat bhī
baham ik muḳhtasar se dil meñ haiñ shādī-o-ġham donoñ
ye chhoTā sā makāñ aur is meñ dozaḳh bhī hai jannat bhī
savāl-e-bosa par bole ki dekho tum ne phir chheḌā
tumheñ kuchh ho ga.ī hai gāliyāñ sunñe kī aadat bhī
yahāñ zāhid bane haiñ aur maiḳhāne se kal shab ko
nikāle jab ga.e mai-kash to un meñ ḳhud badaulat bhī
bane vo mudda.ī mere to mere dost bol uTThe
ki ham hāzir haiñ dene ko gavāhī bhī shahādat bhī
vo kahte haiñ ki jannat bhī hai ik kūcha hasīnoñ kā
banā lenā usī kūche meñ jā kar apnī turbat bhī
namāz-e-panjgāna se hai behtar kaam kyā zāhid
magar niyyat se pahle Thiik kar le apnī niyyat bhī
bahut achchhā rahā jo bach gayā ishq-o-mohabbat se
mohabbat hai koī ye ahl-e-duniyā kī mohabbat bhī
sar-e-bālīn-e-turbat sab dikhāne ke ye aañsū haiñ
diloñ meñ ye ki ho jaa.e kahīñ jaldī farāġhat bhī
fanā jab ho ga.e bahr-e-havādis meñ to ham ko kyā
kināre par agar kuchh haDDiyāñ pahuñchīñ salāmat bhī
shab-e-ġham niiñd bhī avval to kyoñ aane lagī mujh ko
agar soyā to uThne kā nahīñ sub.h-e-qayāmat bhī
tirī bāteñ bhī 'nādir' kitnī lachche-dār bāteñ haiñ
kuchh iz.hār-e-itā.at bhī kuchh andāz-e-matānat bhī
بڑھاؤ وعدۂ فردا پہ تم اپنی عبادت بھی
کہ فردا کیا نہ بھولوں گا میں فردائے قیامت بھی
شب خلوت جب اتریں کشتیوں پر کشتیاں مے کی
زمیں پر آسماں سے آ گیا دریائے رحمت بھی
تسلی اس دل بیتاب کی میں آپ ہی کر لوں
ہجوم یاس سے پاؤں کہیں کمبخت فرصت بھی
بہم اک مختصر سے دل میں ہیں شادی و غم دونوں
یہ چھوٹا سا مکاں اور اس میں دوزخ بھی ہے جنت بھی
سوال بوسہ پر بولے کہ دیکھو تم نے پھر چھیڑا
تمہیں کچھ ہو گئی ہے گالیاں سننے کی عادت بھی
یہاں زاہد بنے ہیں اور میخانے سے کل شب کو
نکالے جب گئے مے کش تو ان میں خود بدولت بھی
بنے وہ مدعی میرے تو میرے دوست بول اٹھے
کہ ہم حاضر ہیں دینے کو گواہی بھی شہادت بھی
وہ کہتے ہیں کہ جنت بھی ہے اک کوچہ حسینوں کا
بنا لینا اسی کوچے میں جا کر اپنی تربت بھی
نماز پنجگانہ سے ہے بہتر کام کیا زاہد
مگر نیت سے پہلے ٹھیک کر لے اپنی نیت بھی
بہت اچھا رہا جو بچ گیا عشق و محبت سے
محبت ہے کوئی یہ اہل دنیا کی محبت بھی
سر بالین تربت سب دکھانے کے یہ آنسو ہیں
دلوں میں یہ کہ ہو جائے کہیں جلدی فراغت بھی
فنا جب ہو گئے بحر حوادث میں تو ہم کو کیا
کنارے پر اگر کچھ ہڈیاں پہنچیں سلامت بھی
شب غم نیند بھی اول تو کیوں آنے لگی مجھ کو
اگر سویا تو اٹھنے کا نہیں صبح قیامت بھی
تری باتیں بھی نادرؔ کتنی لچھے دار باتیں ہیں
کچھ اظہار اطاعت بھی کچھ انداز متانت بھی