यूँही बन जाता है हमदम राज़-ए-जुनूँ अफ़्साना भी
दीवाने पर हँसता है जब अपना भी बेगाना भी
जानता है साक़ी भी वा'इज़ शाहिद है मय-ख़ाना भी
किस की ख़ातिर रेहन पड़ा है शीशा भी मय-ख़ाना भी
उन से जा कर कौन ये पूछे सादगी है या 'इश्वा-गरी
सामने आते शरमाते हैं जानते हैं दीवाना भी
एक इक ग़ुंचा चाक-गरेबाँ दस्त-बदामाँ इक इक गुल
जश्न-ए-बहाराँ में शामिल है अब के कोई दीवाना भी
बात है इस मंज़िल में साक़ी मयख़ाने में आया हूँ
वर्ना नज़र में मुद्दत से है का'बा भी बुत-ख़ाना भी
अहल-ए-महफ़िल ये क्या जानें कौन जला है किस के लिए
शम' भी महफ़िल में जलती है जलता है परवाना भी
ख़ुद है जुनूँ जब ‘अक्स-ए-तजल्ली कोई त'अय्युन कैसा 'जलील'
मिरी नज़र में दोनों हैं यकसाँ गुलशन भी वीराना भी
yūñhī ban jaatā hai hamdam rāz-e-junūñ afsāna bhī
dīvāne par hañstā hai jab apnā bhī begāna bhī
jāntā hai saaqī bhī vā'iz shāhid hai mai-ḳhāna bhī
kis kī ḳhātir rehn paḌā hai shīsha bhī mai-ḳhāna bhī
un se jā kar kaun ye pūchhe sādgī hai yā 'ishva-garī
sāmne aate sharmāte haiñ jānte haiñ dīvāna bhī
ek ik ġhuncha chāk-garebāñ dast-badāmāñ ik ik gul
jashn-e-bahārāñ meñ shāmil hai ab ke koī dīvāna bhī
baat hai is manzil meñ saaqī maiḳhāne meñ aayā huuñ
varna nazar meñ muddat se hai kā'ba bhī but-ḳhāna bhī
ahl-e-mahfil ye kyā jāneñ kaun jalā hai kis ke liye
sham' bhī mahfil meñ jaltī hai jaltā hai parvāna bhī
ḳhud hai junūñ jab ‘aks-e-tajallī koī ta'ayyun kaisā 'jalīl'
mirī nazar meñ donoñ haiñ yaksāñ gulshan bhī vīrāna bhī
یوں ہی بن جاتا ہے ہمدم راز جنوں افسانہ بھی
دیوانے پر ہنستا ہے جب اپنا بھی بیگانہ بھی
جانتا ہے ساقی بھی واعظ شاہد ہے مے خانہ بھی
کس کی خاطر رہن پڑا ہے شیشہ بھی مے خانہ بھی
ان سے جا کر کون یہ پوچھے سادگی ہے یا عشوہ گری
سامنے آتے شرماتے ہیں جانتے ہیں دیوانہ بھی
ایک اک غنچہ چاک گریباں دست بداماں اک اک گل
جشن بہاراں میں شامل ہے اب کے کوئی دیوانہ بھی
بات ہے اس منزل میں ساقی میخانے میں آیا ہوں
ورنہ نظر میں مدت سے ہے کعبہ بھی بت خانہ بھی
اہل محفل یہ کیا جانیں کون جلا ہے کس کے لیے
شمع بھی محفل میں جلتی ہے جلتا ہے پروانہ بھی
خود ہے جنوں جب عکس تجلی کوئی تعین کیسا جلیلؔ
مری نظر میں دونوں ہیں یکساں گلشن بھی ویرانہ بھی