यूँ ज़िंदगी के लिए बे-क़रार हैं हम लोग
शिकायतों के लिए शर्मसार हैं हम लोग
अभी किसी की नज़र से रिहा हुए हैं हम
अभी किसी की नज़र में फ़रार हैं हम लोग
छुपा रहे हैं ग़मों को यूँ मुस्कुरा कर हम
नई सदी के नए इश्तिहार हैं हम लोग
शुमार यूँ तो हमारा कहीं नहीं लेकिन
सभी ये कहते हैं कि बे-शुमार हैं हम लोग
बिखर रहे हैं अभी हम सँवर रहे हैं अभी
कभी हैं ख़ुश तो कभी सोगवार हैं हम लोग
चुका रहे हैं अभी क़िस्त-ए-आरज़ू को हम
यूँ हसरतों के अभी क़र्ज़-दार हैं हम लोग
महक रही हैं फ़ज़ाएँ अभी पसीने से
नई उमीद की फ़स्ल-ए-बहार हैं हम लोग
yuuñ zindagī ke liye be-qarār haiñ ham log
shikāyatoñ ke liye sharmsār haiñ ham log
abhī kisī kī nazar se rihā hue haiñ ham
abhī kisī kī nazar meñ farār haiñ ham log
chhupā rahe haiñ ġhamoñ ko yuuñ muskurā kar ham
na.ī sadī ke na.e ishtihār haiñ ham log
shumār yuuñ to hamārā kahīñ nahīñ lekin
sabhī ye kahte haiñ ki be-shumār haiñ ham log
bikhar rahe haiñ abhī ham sañvar rahe haiñ abhī
kabhī haiñ ḳhush to kabhī sogvār haiñ ham log
chukā rahe haiñ abhī qist-e-ārzū ko ham
yuuñ hasratoñ ke abhī qarz-dār haiñ ham log
mahak rahī haiñ fazā.eñ abhī pasīne se
na.ī umiid kī fasl-e-bahār haiñ ham log
یوں زندگی کے لئے بے قرار ہیں ہم لوگ
شکایتوں کے لئے شرمسار ہیں ہم لوگ
ابھی کسی کی نظر سے رہا ہوئے ہیں ہم
ابھی کسی کی نظر میں فرار ہیں ہم لوگ
چھپا رہے ہیں غموں کو یوں مسکرا کر ہم
نئی صدی کے نئے اشتہار ہیں ہم لوگ
شمار یوں تو ہمارا کہیں نہیں لیکن
سبھی یہ کہتے ہیں کہ بے شمار ہیں ہم لوگ
بکھر رہے ہیں ابھی ہم سنور رہے ہیں ابھی
کبھی ہیں خوش تو کبھی سوگوار ہیں ہم لوگ
چکا رہے ہیں ابھی قسط آرزو کو ہم
یوں حسرتوں کے ابھی قرض دار ہیں ہم لوگ
مہک رہی ہیں فضائیں ابھی پسینے سے
نئی امید کی فصل بہار ہیں ہم لوگ