यूँ उठा दे हमारे जी से ग़रज़
हो न तेरे सिवा किसी से ग़रज़
वो मनाएगा जिस से रूठे हो
हम को मिन्नत से 'आजिज़ी से ग़रज़
ये भी एहसान है क़नाअ'त का
अपनी अटकी नहीं किसी से ग़रज़
ये महल भी मक़ाम-ए-इबरत है
आदमी को हो आदमी से ग़रज़
दर्द-मंदों को क्या दवा से काम
ग़म-नसीबों को क्या ख़ुशी से ग़रज़
हुस्न आराइशों का हो मुहताज
उस को आईने आरसी से ग़रज़
चूर हैं नश्शा-ए-मोहब्बत में
मय से मतलब न मय-कशी से ग़रज़
देर तक दीद के मज़े लूटे
ख़ूब निकली ये बे-ख़ुदी से ग़रज़
बे-नियाज़ी की शान ही ये नहीं
उस को बंदों की बंदी से ग़रज़
तेरी ख़ातिर 'अज़ीज़ है वर्ना
मुझ को दुश्मन की दोस्ती से ग़रज़
हम मोहब्बत के बंदे हैं वा'इज़
हम को क्या बहस मज़हबी से ग़रज़
दैर हो का'बा हो कलीसा हो
उस की धुन उस की बंदगी से ग़रज़
शैख़ को इस क़दर पिलाते क्यूँ
मय-कशों को थी दिल-लगी से ग़रज़
उस को समझो न हज़्ज़-ए-नफ़स 'हफ़ीज़'
और ही कुछ है शा'इरी से ग़रज़
yuuñ uThā de hamāre jī se ġharaz
ho na tere sivā kisī se ġharaz
vo manā.egā jis se rūThe ho
ham ko minnat se 'ājizī se ġharaz
ye bhī ehsān hai qanā'at kā
apnī aTkī nahīñ kisī se ġharaz
ye mahal bhī maqām-e-ibrat hai
aadmī ko ho aadmī se ġharaz
dard-mandoñ ko kyā davā se kaam
ġham-nasīboñ ko kyā ḳhushī se ġharaz
husn ārā.ishoñ kā ho muhtāj
us ko ā.īne aarsī se ġharaz
chuur haiñ nashsha-e-mohabbat meñ
mai se matlab na mai-kashī se ġharaz
der tak diid ke maze luuTe
ḳhuub niklī ye be-ḳhudī se ġharaz
be-niyāzī kī shaan hī ye nahīñ
us ko bandoñ kī bandī se ġharaz
terī ḳhātir 'azīz hai varna
mujh ko dushman kī dostī se ġharaz
ham mohabbat ke bande haiñ vā'iz
ham ko kyā bahs maz.habī se ġharaz
dair ho kā'ba ho kalīsā ho
us kī dhun us kī bandagī se ġharaz
shaiḳh ko is qadar pilāte kyuuñ
mai-kashoñ ko thī dil-lagī se ġharaz
us ko samjho na hazz-e-nafs 'hafīz'
aur hī kuchh hai shā'irī se ġharaz
یوں اٹھا دے ہمارے جی سے غرض
ہو نہ تیرے سوا کسی سے غرض
وہ منائے گا جس سے روٹھے ہو
ہم کو منت سے عاجزی سے غرض
یہ بھی احسان ہے قناعت کا
اپنی اٹکی نہیں کسی سے غرض
یہ محل بھی مقام عبرت ہے
آدمی کو ہو آدمی سے غرض
درد مندوں کو کیا دوا سے کام
غم نصیبوں کو کیا خوشی سے غرض
حسن آرائشوں کا ہو محتاج
اس کو آئینے آرسی سے غرض
چور ہیں نشۂ محبت میں
مے سے مطلب نہ مے کشی سے غرض
دیر تک دید کے مزے لوٹے
خوب نکلی یہ بے خودی سے غرض
بے نیازی کی شان ہی یہ نہیں
اس کو بندوں کی بندی سے غرض
تیری خاطر عزیز ہے ورنہ
مجھ کو دشمن کی دوستی سے غرض
ہم محبت کے بندے ہیں واعظ
ہم کو کیا بحث مذہبی سے غرض
دیر ہو کعبہ ہو کلیسا ہو
اس کی دھن اس کی بندگی سے غرض
شیخ کو اس قدر پلاتے کیوں
مے کشوں کو تھی دل لگی سے غرض
اس کو سمجھو نہ حظ نفس حفیظؔ
اور ہی کچھ ہے شاعری سے غرض