अदा परियों की सूरत हूर की आँखें ग़ज़ालों की
ग़रज़ माँगे की हर इक चीज़ है इन हुस्न वालों की
बजाए-रक़्स मय-ख़ाने में है गर्दिश पियालों की
तकल्लुफ़-बर-तरफ़ ये बज़्म है अल्लाह वालों की
निशाँ जब मिट गया तुर्बत का आए फ़ातिहा पढ़ने
उन्हें कब याद आई हैं वफ़ाएँ मरने वालों की
हुआ दो गज़ कफ़न मुन'इम को हासिल माल-ए-दुनिया से
बंधी रक्खी ही आख़िर रह गई गठरी दोशालों की
दुखा कर दिल मिरा फिर आप ही उज़्र-ए-जफ़ा करना
अरे काफ़िर तिरी इक चाल है ये लाख चालों की
अभी तुम को बहुत कुछ नाज़ है तिरछी निगाहों पर
मगर देखी नहीं तासीर तुम ने मेरे नालों की
तिरे होते हुए ये बात ग़ैरत की है ओ ज़ालिम
उड़ाए आसमाँ यूँ ख़ाक तेरी पाएमालों की
भले हैं या बुरे जो कुछ हैं बंदे तो ख़ुदा के हैं
नदामत इस क़दर वा'इज़ न कर मय-ख़ाने वालों की
हुई बौछार मुझ पर शिकवा-ए-बेजा की फिर क्या क्या
जहाँ छेड़ा उन्हें बस खुल गई गठरी मलालों की
गुनहगार-ए-मोहब्बत हैं जिधर गुज़रेंगे महशर में
हमारे साथ साथ इक भीड़ होगी ख़ुश-जमालों की
फ़रिश्तों से 'हफ़ीज़' इक दिन लहद में गुफ़्तुगू होगी
अभी से फ़िक्र लाज़िम है तुम्हें उन के सवालों की
adā pariyoñ kī sūrat huur kī āñkheñ ġhazāloñ kī
ġharaz māñge kī har ik chiiz hai in husn vāloñ kī
bajā.e-raqs mai-ḳhāne meñ hai gardish piyāloñ kī
takalluf-bar-taraf ye bazm hai allāh vāloñ kī
nishāñ jab miT gayā turbat kā aa.e fātiha paḌhne
unheñ kab yaad aa.ī haiñ vafā.eñ marne vāloñ kī
huā do gaz kafan mun'im ko hāsil māl-e-duniyā se
bañdhī rakkhī hī āḳhir rah ga.ī gaThrī doshāloñ kī
dukhā kar dil mirā phir aap hī uzr-e-jafā karnā
are kāfir tirī ik chaal hai ye laakh chāloñ kī
abhī tum ko bahut kuchh naaz hai tirchhī nigāhoñ par
magar dekhī nahīñ tāsīr tum ne mere nāloñ kī
tire hote hue ye baat ġhairat kī hai o zālim
uḌaa.e āsmāñ yuuñ ḳhaak terī pā.emāloñ kī
bhale haiñ yā bure jo kuchh haiñ bande to ḳhudā ke haiñ
nadāmat is qadar vā'iz na kar mai-ḳhāne vāloñ kī
huī bauchhār mujh par shikva-e-bejā kī phir kyā kyā
jahāñ chheḌā unheñ bas khul ga.ī gaThrī malāloñ kī
gunahgār-e-mohabbat haiñ jidhar guzreñge mahshar meñ
hamāre saath saath ik bhiiḌ hogī ḳhush-jamāloñ kī
farishtoñ se 'hafīz' ik din lahad meñ guftugū hogī
abhī se fikr lāzim hai tumheñ un ke savāloñ kī
ادا پریوں کی صورت حور کی آنکھیں غزالوں کی
غرض مانگے کی ہر اک چیز ہے ان حسن والوں کی
بجائے رقص مے خانے میں ہے گردش پیالوں کی
تکلف بر طرف یہ بزم ہے اللہ والوں کی
نشاں جب مٹ گیا تربت کا آئے فاتحہ پڑھنے
انہیں کب یاد آئی ہیں وفائیں مرنے والوں کی
ہوا دو گز کفن منعم کو حاصل مال دنیا سے
بندھی رکھی ہی آخر رہ گئی گٹھری دوشالوں کی
دکھا کر دل مرا پھر آپ ہی عذر جفا کرنا
ارے کافر تری اک چال ہے یہ لاکھ چالوں کی
ابھی تم کو بہت کچھ ناز ہے ترچھی نگاہوں پر
مگر دیکھی نہیں تاثیر تم نے میرے نالوں کی
ترے ہوتے ہوئے یہ بات غیرت کی ہے او ظالم
اڑائے آسماں یوں خاک تیری پائمالوں کی
بھلے ہیں یا برے جو کچھ ہیں بندے تو خدا کے ہیں
ندامت اس قدر واعظ نہ کر مے خانے والوں کی
ہوئی بوچھار مجھ پر شکوۂ بے جا کی پھر کیا کیا
جہاں چھیڑا انہیں بس کھل گئی گٹھری ملالوں کی
گنہ گار محبت ہیں جدھر گزریں گے محشر میں
ہمارے ساتھ ساتھ اک بھیڑ ہوگی خوش جمالوں کی
فرشتوں سے حفیظؔ اک دن لحد میں گفتگو ہوگی
ابھی سے فکر لازم ہے تمہیں ان کے سوالوں کی