बैठ जाता हूँ जहाँ छाँव घनी होती है
हाए क्या चीज़ ग़रीब-उल-वतनी होती है
नहीं मरते हैं तो ईज़ा नहीं झेली जाती
और मरते हैं तो पैमाँ-शिकनी होती है
दिन को इक नूर बरसता है मिरी तुर्बत पर
रात को चादर-ए-महताब तनी होती है
तुम बिछड़ते हो जो अब कर्ब न हो वो कम है
दम निकलता है तो आज़ा-शिकनी होती है
ज़िंदा दर-गोर हम ऐसे जो हैं मरने वाले
जीते-जी उन के गले में कफ़नी होती है
रुत बदलते ही बदल जाती है निय्यत मेरी
जब बहार आती है तौबा-शिकनी होती है
ग़ैर के बस में तुम्हें सुन के ये कह उठता हूँ
ऐसी तक़दीर भी अल्लाह ग़नी होती है
न बढ़े बात अगर खुल के करें वो बातें
बाइस-ए-तूल-ए-सुख़न कम-सुख़नी होती है
लुट गया वो तिरे कूचे में धरा जिस ने क़दम
इस तरह की भी कहीं राहज़नी होती है
हुस्न वालों को ज़िद आ जाए ख़ुदा ये न करे
कर गुज़रते हैं जो कुछ जी में ठनी होती है
हिज्र में ज़हर है साग़र का लगाना मुँह से
मय की जो बूँद है हीरे की कनी होती है
मय-कशों को न कभी फ़िक्र-ए-कम-ओ-बेश रही
ऐसे लोगों की तबी'अत भी ग़नी होती है
हूक उठती है अगर ज़ब्त-ए-फ़ुग़ाँ करता हूँ
साँस रुकती है तो बर्छी की अनी होती है
अक्स की उन पे नज़र आइने पे उन की निगाह
दो कमाँ-दारों में नावक-फ़गनी होती है
पी लो दो घूँट कि साक़ी की रहे बात 'हफ़ीज़'
साफ़ इंकार से ख़ातिर-शिकनी होती है
baiTh jaatā huuñ jahāñ chhāñv ghanī hotī hai
haa.e kyā chiiz ġharīb-ul-vatanī hotī hai
nahīñ marte haiñ to iizā nahīñ jhelī jaatī
aur marte haiñ to paimāñ-shikanī hotī hai
din ko ik nuur barastā hai mirī turbat par
raat ko chādar-e-mahtāb tanī hotī hai
tum bichhaḌte ho jo ab karb na ho vo kam hai
dam nikaltā hai to a.azā-shikanī hotī hai
zinda dar-gor ham aise jo haiñ marne vaale
jīte-jī un ke gale meñ kafanī hotī hai
rut badalte hī badal jaatī hai niyyat merī
jab bahār aatī hai tauba-shikanī hotī hai
ġhair ke bas meñ tumheñ sun ke ye kah uThtā huuñ
aisī taqdīr bhī allāh ġhanī hotī hai
na baḌhe baat agar khul ke kareñ vo bāteñ
bā.is-e-tūl-e-suḳhan kam-suḳhanī hotī hai
luT gayā vo tire kūche meñ dharā jis ne qadam
is tarah kī bhī kahīñ rāhzanī hotī hai
husn vāloñ ko zid aa jaa.e ḳhudā ye na kare
kar guzarte haiñ jo kuchh jī meñ Thanī hotī hai
hijr meñ zahr hai sāġhar kā lagānā muñh se
mai kī jo buuñd hai hiire kī kanī hotī hai
mai-kashoñ ko na kabhī fikr-e-kam-o-besh rahī
aise logoñ kī tabī'at bhī ġhanī hotī hai
huuk uThtī hai agar zabt-e-fuġhāñ kartā huuñ
saañs ruktī hai to barchhī kī anī hotī hai
aks kī un pe nazar aa.ine pe un kī nigāh
do kamāñ-dāroñ meñ nāvak-faganī hotī hai
pī lo do ghūñT ki saaqī kī rahe baat 'hafīz'
saaf inkār se ḳhātir-shikanī hotī hai
بیٹھ جاتا ہوں جہاں چھاؤں گھنی ہوتی ہے
ہائے کیا چیز غریب الوطنی ہوتی ہے
نہیں مرتے ہیں تو ایذا نہیں جھیلی جاتی
اور مرتے ہیں تو پیماں شکنی ہوتی ہے
دن کو اک نور برستا ہے مری تربت پر
رات کو چادر مہتاب تنی ہوتی ہے
تم بچھڑتے ہو جو اب کرب نہ ہو وہ کم ہے
دم نکلتا ہے تو اعضا شکنی ہوتی ہے
زندہ در گور ہم ایسے جو ہیں مرنے والے
جیتے جی ان کے گلے میں کفنی ہوتی ہے
رت بدلتے ہی بدل جاتی ہے نیت میری
جب بہار آتی ہے توبہ شکنی ہوتی ہے
غیر کے بس میں تمہیں سن کے یہ کہہ اٹھتا ہوں
ایسی تقدیر بھی اللہ غنی ہوتی ہے
نہ بڑھے بات اگر کھل کے کریں وہ باتیں
باعث طول سخن کم سخنی ہوتی ہے
لٹ گیا وہ ترے کوچے میں دھرا جس نے قدم
اس طرح کی بھی کہیں راہزنی ہوتی ہے
حسن والوں کو ضد آ جائے خدا یہ نہ کرے
کر گزرتے ہیں جو کچھ جی میں ٹھنی ہوتی ہے
ہجر میں زہر ہے ساغر کا لگانا منہ سے
مے کی جو بوند ہے ہیرے کی کنی ہوتی ہے
مے کشوں کو نہ کبھی فکر کم و بیش رہی
ایسے لوگوں کی طبیعت بھی غنی ہوتی ہے
ہوک اٹھتی ہے اگر ضبط فغاں کرتا ہوں
سانس رکتی ہے تو برچھی کی انی ہوتی ہے
عکس کی ان پہ نظر آئنہ پہ ان کی نگاہ
دو کماں داروں میں ناوک فگنی ہوتی ہے
پی لو دو گھونٹ کہ ساقی کی رہے بات حفیظؔ
صاف انکار سے خاطر شکنی ہوتی ہے