अफ़्सुर्दगी-ए-दिल से ये रंग है सुख़न में
या'नी ख़िज़ाँ-रसीदा कुछ फूल हैं चमन में
ग़ुर्बत में भी रहे हम यारों की अंजुमन में
याद-ए-वतन ने रक्खा अक्सर हमें वतन में
क्या साँस का भरोसा फिर आए या न आए
कब तक जलेगी आख़िर ये शम' अंजुमन में
लाखों में एक निकली वज़-ए-जुनूँ भी अपनी
अब भी रहे न दब कर हम उन से बाँकपन में
क्या जाने क्या वहाँ से लाया ख़ुशी का मुज़्दा
फूला नहीं समाता क़ासिद जो पैरहन में
जो चाहते हैं राहत लिक्खें वो हाल-ए-ग़ुर्बत
हम नंग जानते हैं ख़त भेजना वतन में
शायद कुछ अम्न पाँव हाथों से आसमाँ के
ख़ाक उस गली की ले कर मलना मिरे कफ़न में
गो पीर-ज़न है मुख़्बिर बाइ'स तो है ये आख़िर
आलूदा दस्त-ए-शीरीं है ख़ून-ए-कोहकन में
हम मय-कशों को पी कर ये इंफ़िआल आया
रा'शा पड़ा हुआ है एक एक उज़्व-ए-तन में
ख़ाना-ख़राबी अपनी याद आई जी भर आया
उजड़ा हुआ जो देखा इक आशियाँ चमन में
वाइज़ तिरी ज़बाँ से ग़ीबत बुतों की सुन कर
मस्जिद से उठ के पहुँचे हम दैर-ए-बरहमन में
वो दिल में और दिल है सौ हसरतों का मस्कन
ख़ल्वत में अंजुमन है ख़ल्वत है अंजुमन में
शा'इर 'हफ़ीज़' तुम से कामिल बहुत हैं लेकिन
कहते हैं दर्द ऐसा पैदा कहाँ सुख़न में
afsurdagi-e-dil se ye rang hai suḳhan meñ
yā'nī ḳhizāñ-rasīda kuchh phuul haiñ chaman meñ
ġhurbat meñ bhī rahe ham yāroñ kī anjuman meñ
yād-e-vatan ne rakkhā aksar hameñ vatan meñ
kyā saañs kā bharosā phir aa.e yā na aa.e
kab tak jalegī āḳhir ye sham' anjuman meñ
lākhoñ meñ ek niklī vaz-e-junūñ bhī apnī
ab bhī rahe na dab kar ham un se bāñkpan meñ
kyā jaane kyā vahāñ se laayā ḳhushī kā muzhda
phūlā nahīñ samātā qāsid jo pairahan meñ
jo chāhte haiñ rāhat likkheñ vo hāl-e-ġhurbat
ham nañg jānte haiñ ḳhat bhejnā vatan meñ
shāyad kuchh amn paañv hāthoñ se āsmāñ ke
ḳhaak us galī kī le kar malnā mire kafan meñ
go pīr-zan hai muḳhbir baa.is to hai ye āḳhir
ālūda dast-e-shīrīñ hai ḳhūn-e-kohkan meñ
ham mai-kashoñ ko pī kar ye infi.āl aayā
ra.asha paḌā huā hai ek ek uzv-e-tan meñ
ḳhāna-ḳharābī apnī yaad aa.ī jī bhar aayā
ujḌā huā jo dekhā ik āshiyāñ chaman meñ
vaa.iz tirī zabāñ se ġhībat butoñ kī sun kar
masjid se uTh ke pahuñche ham dair-e-barhaman meñ
vo dil meñ aur dil hai sau hasratoñ kā maskan
ḳhalvat meñ anjuman hai ḳhalvat hai anjuman meñ
shā'ir 'hafīz' tum se kāmil bahut haiñ lekin
kahte haiñ dard aisā paidā kahāñ suḳhan meñ
افسردگئ دل سے یہ رنگ ہے سخن میں
یعنی خزاں رسیدہ کچھ پھول ہیں چمن میں
غربت میں بھی رہے ہم یاروں کی انجمن میں
یاد وطن نے رکھا اکثر ہمیں وطن میں
کیا سانس کا بھروسا پھر آئے یا نہ آئے
کب تک جلے گی آخر یہ شمع انجمن میں
لاکھوں میں ایک نکلی وضع جنوں بھی اپنی
اب بھی رہے نہ دب کر ہم ان سے بانکپن میں
کیا جانے کیا وہاں سے لایا خوشی کا مژدہ
پھولا نہیں سماتا قاصد جو پیرہن میں
جو چاہتے ہیں راحت لکھیں وہ حال غربت
ہم ننگ جانتے ہیں خط بھیجنا وطن میں
شاید کچھ امن پاؤں ہاتھوں سے آسماں کے
خاک اس گلی کی لے کر ملنا مرے کفن میں
گو پیرزن ہے مخبر باعث تو ہے یہ آخر
آلودہ دست شیریں ہے خون کوہ کن میں
ہم میکشوں کو پی کر یہ انفعال آیا
رعشہ پڑا ہوا ہے ایک ایک عضو تن میں
خانہ خرابی اپنی یاد آئی جی بھر آیا
اجڑا ہوا جو دیکھا اک آشیاں چمن میں
واعظ تری زباں سے غیبت بتوں کی سن کر
مسجد سے اٹھ کے پہنچے ہم دیر برہمن میں
وہ دل میں اور دل ہے سو حسرتوں کا مسکن
خلوت میں انجمن ہے خلوت ہے انجمن میں
شاعر حفیظؔ تم سے کامل بہت ہیں لیکن
کہتے ہیں درد ایسا پیدا کہاں سخن میں