आग़ाज़-ए-मोहब्बत में बरसों यूँ ज़ब्त से हम ने काम लिया
जब हूक कलेजे में उट्ठी तो हाथों से दिल थाम लिया
उस रश्क के हाथों एक न इक हर रोज़ ही दाग़ उठाते रहे
हम चोट जिगर पर खा बैठे जब ग़ैर ने तेरा नाम लिया
आँखें वो झुकें मिलते मिलते रहे होश-ओ-ख़िरद जाते जाते
कुछ शर्म ने उन को रोक लिया कुछ ज़ब्त ने हम को थाम लिया
इंसान की थी ये ताब-ओ-तवाँ जो बार-ए-मोहब्बत उठा सकता
एक ये भी है एहसान तिरा क्या उस से तू ने काम लिया
सहरा में ठंडे वक़्त हमें याद आई जो उस की जल्वागरी
कुछ ऐसी हुई वहशत दिल को दम जा के ज़ेर-ए-बाम लिया
और उस के सिवा कुछ कह न सके पूछा जो किसी ने हाल है क्या
आँखों से आँसू बहने लगे हाथों से कलेजा थाम लिया
लूटा तेरी दोनों आँखों ने पाया जो मिरे दिल को तन्हा
जो एक ने सब्र शकेब लिया तो एक ने चैन आराम लिया
अब तक तो ख़बर ली उस ने मिरी जिस वक़्त कोई उफ़्ताद पड़ी
जब ठोकरें खा कर गिरने लगा हाथ उस ने लपक कर थाम लिया
हम लाएँ कहाँ से वो आँखें जो तुम को पशेमाँ देख सकें
अब कैसी नदामत जब हम ने सब अपने सर इल्ज़ाम लिया
महरूमी-ए-क़िस्मत क्या कहिए एहसान किया कब साक़ी ने
पैमाना-ए-उम्र छलक ही गया जब हाथ में अपने जाम लिया
मौज़ूँ जो हुए जज़्बात-ए-दिल जब शे'र-ए-'हफ़ीज़' पढ़ा हम ने
सुनते ही दोनों हाथों से सामेअ' ने कलेजा थाम लिया
āġhāz-e-mohabbat meñ barsoñ yuuñ zabt se ham ne kaam liyā
jab huuk kaleje meñ uTThī to hāthoñ se dil thaam liyā
us rashk ke hāthoñ ek na ik har roz hī daaġh uThāte rahe
ham choT jigar par khā baiThe jab ġhair ne terā naam liyā
āñkheñ vo jhukeñ milte milte rahe hosh-o-ḳhirad jaate jaate
kuchh sharm ne un ko rok liyā kuchh zabt ne ham ko thaam liyā
insān kī thī ye tāb-o-tavāñ jo bār-e-mohabbat uThā saktā
ek ye bhī hai ehsān tirā kyā us se tū ne kaam liyā
sahrā meñ ThanDe vaqt hameñ yaad aa.ī jo us kī jalvagarī
kuchh aisī huī vahshat dil ko dam jā ke zer-e-bām liyā
aur us ke sivā kuchh kah na sake pūchhā jo kisī ne haal hai kyā
āñkhoñ se aañsū bahne lage hāthoñ se kaleja thaam liyā
luuTā terī donoñ āñkhoñ ne paayā jo mire dil ko tanhā
jo ek ne sabr shakeb liyā to ek ne chain ārām liyā
ab tak to ḳhabar lī us ne mirī jis vaqt koī uftād paḌī
jab Thokareñ khā kar girne lagā haath us ne lapak kar thaam liyā
ham laa.eñ kahāñ se vo āñkheñ jo tum ko pashemāñ dekh sakeñ
ab kaisī nadāmat jab ham ne sab apne sar ilzām liyā
mahrūmī-e-qismat kyā kahiye ehsān kiyā kab saaqī ne
paimāna-e-umr chhalak hī gayā jab haath meñ apne jaam liyā
mauzūñ jo hue jazbāt-e-dil jab sher-e-'hafīz' paḌhā ham ne
sunte hī donoñ hāthoñ se sāme.a ne kaleja thaam liyā
آغاز محبت میں برسوں یوں ضبط سے ہم نے کام لیا
جب ہوک کلیجے میں اٹھی تو ہاتھوں سے دل تھام لیا
اس رشک کے ہاتھوں ایک نہ اک ہر روز ہی داغ اٹھاتے رہے
ہم چوٹ جگر پر کھا بیٹھے جب غیر نے تیرا نام لیا
آنکھیں وہ جھکیں ملتے ملتے رہے ہوش و خرد جاتے جاتے
کچھ شرم نے ان کو روک لیا کچھ ضبط نے ہم کو تھام لیا
انسان کی تھی یہ تاب و تواں جو بار محبت اٹھا سکتا
ایک یہ بھی ہے احسان ترا کیا اس سے تو نے کام لیا
صحرا میں ٹھنڈے وقت ہمیں یاد آئی جو اس کی جلوہ گری
کچھ ایسی ہوئی وحشت دل کو دم جا کے زیر بام لیا
اور اس کے سوا کچھ کہہ نہ سکے پوچھا جو کسی نے حال ہے کیا
آنکھوں سے آنسو بہنے لگے ہاتھوں سے کلیجہ تھام لیا
لوٹا تیری دونوں آنکھوں نے پایا جو مرے دل کو تنہا
جو ایک نے صبر شکیب لیا تو ایک نے چین آرام لیا
اب تک تو خبر لی اس نے مری جس وقت کوئی افتاد پڑی
جب ٹھوکریں کھا کر گرنے لگا ہاتھ اس نے لپک کر تھام لیا
ہم لائیں کہاں سے وہ آنکھیں جو تم کو پشیماں دیکھ سکیں
اب کیسی ندامت جب ہم نے سب اپنے سر الزام لیا
محرومیٔ قسمت کیا کہئے احسان کیا کب ساقی نے
پیمانۂ عمر چھلک ہی گیا جب ہاتھ میں اپنے جام لیا
موزوں جو ہوئے جذبات دل جب شعر حفیظؔ پڑھا ہم نے
سنتے ہی دونوں ہاتھوں سے سامع نے کلیجہ تھام لیا