ये तमन्ना है कि मैं हर्फ़-ए-वफ़ा हो जाऊँ
मेरी बातें रहें बे-शक मैं फ़ना हो जाऊँ
मेरे किरदार से अच्छाई की ख़ुशबू आए
हर बुराई के लिए मैं तो बुरा हो जाऊँ
सब को बेदार करूँ ओम की आवाज़ से मैं
वो जो आती है अज़ाँ से वो सदा हो जाऊँ
जिस में तहज़ीबों के गुल साथ खिला करते थे
फिर मिरे मुल्क की वो आब-ओ-हवा हो जाऊँ
वो जो हिजरत के सबब छोड़ गए हैं घर को
उन्ही बिछड़े हुए अपनों का पता हो जाऊँ
इसी उम्मीद पे दिन काट दिए हैं मैं ने
ज़िंदगी मैं तिरी रातों का दिया हो जाऊँ
रूठ कर फिर से छुपूँ घर के किसी कोने में
इक खिलौने के लिए सब से ख़फ़ा हो जाऊँ
जो मुझे छोड़ के जाते हैं वो पंछी सुन लें
कल नई रुत में फलों से न लदा हो जाऊँ
रेत के घर जो बनाते हैं यहाँ साहिल पर
उन्ही मासूम से बच्चों की दुआ हो जाऊँ
ye tamanna hai ki maiñ harf-e-vafā ho jā.ūñ
merī bāteñ raheñ be-shak maiñ fanā ho jā.ūñ
mere kirdār se achchhā.ī kī ḳhushbū aa.e
har burā.ī ke liye maiñ to burā ho jā.ūñ
sab ko bedār karūñ om kī āvāz se maiñ
vo jo aatī hai azaañ se vo sadā ho jā.ūñ
jis meñ tahzīboñ ke gul saath khilā karte the
phir mire mulk kī vo āb-o-havā ho jā.ūñ
vo jo hijrat ke sabab chhoḌ ga.e haiñ ghar ko
unhī bichhḌe hue apnoñ kā pata ho jā.ūñ
isī ummīd pe din kaaT diye haiñ maiñ ne
zindagī maiñ tirī rātoñ kā diyā ho jā.ūñ
ruuTh kar phir se chhupūñ ghar ke kisī kone meñ
ik khilaune ke liye sab se ḳhafā ho jā.ūñ
jo mujhe chhoḌ ke jaate haiñ vo panchhī sun leñ
kal na.ī rut meñ phaloñ se na ladā ho jā.ūñ
ret ke ghar jo banāte haiñ yahāñ sāhil par
unhī ma.asūm se bachchoñ kī duā ho jā.ūñ
یہ تمنا ہے کہ میں حرف وفا ہو جاؤں
میری باتیں رہیں بے شک میں فنا ہو جاؤں
میرے کردار سے اچھائی کی خوشبو آئے
ہر برائی کے لیے میں تو برا ہو جاؤں
سب کو بیدار کروں اوم کی آواز سے میں
وہ جو آتی ہے اذاں سے وہ صدا ہو جاؤں
جس میں تہذیبوں کے گل ساتھ کھلا کرتے تھے
پھر مرے ملک کی وہ آب و ہوا ہو جاؤں
وہ جو ہجرت کے سبب چھوڑ گئے ہیں گھر کو
انہی بچھڑے ہوئے اپنوں کا پتہ ہو جاؤں
اسی امید پہ دن کاٹ دیے ہیں میں نے
زندگی میں تری راتوں کا دیا ہو جاؤں
روٹھ کر پھر سے چھپوں گھر کے کسی کونے میں
اک کھلونے کے لئے سب سے خفا ہو جاؤں
جو مجھے چھوڑ کے جاتے ہیں وہ پنچھی سن لیں
کل نئی رت میں پھلوں سے نہ لدا ہو جاؤں
ریت کے گھر جو بناتے ہیں یہاں ساحل پر
انہی معصوم سے بچوں کی دعا ہو جاؤں