ये मसअला है और कोई मसअला नहीं
अपना हरीफ़ मैं हूँ कोई दूसरा नहीं
कल मुझ पे खुल गया तिरा हुस्न-ए-मुनाफ़िक़त
इस सानेहे के बा'द कोई सानेहा नहीं
मुफ़्लिस नहीं है ज़ेहन-ए-तही-दस्त हूँ तो क्या
दस्त-ए-तलब दराज़ कहीं भी किया नहीं
हर-गाम-ओ-हर-नफ़स रहे दरपेश मरहले
ज़ौक़-ए-सफ़र गवाह कि मैं भी रुका नहीं
ऐ मस्लहत-पसंद हमारा भी तेरे साथ
हर-चंद राब्ता है मगर राब्ता नहीं
दुनिया से चंद रोज़ में सब कुछ तो मिल गया
मिलना अब और क्या है जो अब तक मिला नहीं
मुमकिन नहीं कि आएँ अज़ाएम में लग़्ज़िशें
उफ़्तादा वक़्त ही तो है उफ़्ताद-पा नहीं
छोटा हूँ इस लिए मुझे एहसाँ हैं सब के याद
मोहसिन को भूल जाऊँ मैं इतना बड़ा नहीं
अहवाल वाक़ई तो है ख़ुद ही ज़बान-ए-जाँ
लेकिन सर-ए-ग़ुरूर कहीं भी झुका नहीं
मैं तुझ को याद आऊँ और आऊँ तमाम-उम्र
ऐ दोस्त मैं बुरा हूँ पर इतना बुरा नहीं
जौ बोने वाले बो के तो जौ चल दिए मगर
कहते हैं अब के फ़स्ल में गंदुम उगा नहीं
ख़्वाब-ए-बक़ा की बस यही ता'बीर है कि 'लैस'
दुनिया में सिर्फ़ एक फ़ना को फ़ना नहीं
ye mas.ala hai aur koī mas.ala nahīñ
apnā harīf maiñ huuñ koī dūsrā nahīñ
kal mujh pe khul gayā tirā husn-e-munāfiqat
is sānehe ke ba.ad koī sāneha nahīñ
muflis nahīñ hai zehn-e-tahī-dast huuñ to kyā
dast-e-talab darāz kahīñ bhī kiyā nahīñ
har-gām-o-har-nafas rahe darpesh marhale
zauq-e-safar gavāh ki maiñ bhī rukā nahīñ
ai maslahat-pasand hamārā bhī tere saath
har-chand rābta hai magar rābta nahīñ
duniyā se chand roz meñ sab kuchh to mil gayā
milnā ab aur kyā hai jo ab tak milā nahīñ
mumkin nahīñ ki aa.eñ azā.em meñ laġhzisheñ
uftāda vaqt hī to hai uftād-pā nahīñ
chhoTā huuñ is liye mujhe ehsāñ haiñ sab ke yaad
mohsin ko bhuul jā.ūñ maiñ itnā baḌā nahīñ
ahvāl vāqa.ī to hai ḳhud hī zabān-e-jāñ
lekin sar-e-ġhurūr kahīñ bhī jhukā nahīñ
maiñ tujh ko yaad aa.uuñ aur aa.uuñ tamām-umr
ai dost maiñ burā huuñ par itnā burā nahīñ
jau bone vaale bo ke to jau chal diye magar
kahte haiñ ab ke fasl meñ gandum ugā nahīñ
ḳhvāb-e-baqā kī bas yahī ta.abīr hai ki 'lais'
duniyā meñ sirf ek fanā ko fanā nahīñ
یہ مسئلہ ہے اور کوئی مسئلہ نہیں
اپنا حریف میں ہوں کوئی دوسرا نہیں
کل مجھ پہ کھل گیا ترا حسن منافقت
اس سانحے کے بعد کوئی سانحہ نہیں
مفلس نہیں ہے ذہن تہی دست ہوں تو کیا
دست طلب دراز کہیں بھی کیا نہیں
ہر گام و ہر نفس رہے درپیش مرحلے
ذوق سفر گواہ کہ میں بھی رکا نہیں
اے مصلحت پسند ہمارا بھی تیرے ساتھ
ہر چند رابطہ ہے مگر رابطہ نہیں
دنیا سے چند روز میں سب کچھ تو مل گیا
ملنا اب اور کیا ہے جو اب تک ملا نہیں
ممکن نہیں کہ آئیں عزائم میں لغزشیں
افتادہ وقت ہی تو ہے افتاد پا نہیں
چھوٹا ہوں اس لئے مجھے احساں ہیں سب کے یاد
محسن کو بھول جاؤں میں اتنا بڑا نہیں
احوال واقعی تو ہے خود ہی زبان جاں
لیکن سر غرور کہیں بھی جھکا نہیں
میں تجھ کو یاد آؤں اور آؤں تمام عمر
اے دوست میں برا ہوں پر اتنا برا نہیں
جو بونے والے بو کے تو جو چل دئے مگر
کہتے ہیں اب کے فصل میں گندم اگا نہیں
خواب بقا کی بس یہی تعبیر ہے کہ لیثؔ
دنیا میں صرف ایک فنا کو فنا نہیں