बे-क़स्द सफ़र जाते हैं मा'लूम नहीं क्यूँ
फिर ख़ुद ही ठहर जाते हैं मा'लूम नहीं क्यूँ
हम प्यार से जीने की दुआ देते हैं जिन को
वो लोग भी मर जाते हैं मा'लूम नहीं क्यूँ
कुछ लोग तुझे देख के ऐ फ़स्ल-ए-बहाराँ
बा-दीदा-ए-तर जाते हैं मालूम नहीं क्यूँ
इक वहम समझते थे हक़ीक़त को जो कल तक
अब ख़्वाब से डर जाते हैं मा'लूम नहीं क्यूँ
उतरे हुए चेहरों को भी ये कहते सुना है
कुछ हम से भी डर जाते हैं मा'लूम नहीं क्यूँ
इक सिलसिला अश्क है शबनम मगर इस से
गुलज़ार निखर जाते हैं मा'लूम नहीं क्यूँ
मंज़िल की तरफ़ राह-ए-मोहब्बत के मुसाफ़िर
बे-रख़्त-ए-सफ़र जाते हैं मालूम नहीं क्यूँ
कुछ देख के कुछ सोच के कुछ लोग जहाँ से
चुप-चाप गुज़र जाते हैं मा'लूम नहीं क्यूँ
कश्ती को डुबो कर उसी कश्ती के मुहाफ़िज़
ख़ुद पार उतर जाते हैं मा'लूम नहीं क्यूँ
घर में कोई आराम की सूरत नहीं फिर भी
थक-हार के घर जाते हैं मा'लूम नहीं क्यूँ
हाँ अक्स-ए-रुख़-ए-संग-ज़दा से भी तो ऐ 'लैस'
आईने सँवर जाते हैं मा'लूम नहीं क्यूँ
be-qasd safar jaate haiñ ma.alūm nahīñ kyuuñ
phir ḳhud hī Thahar jaate haiñ ma.alūm nahīñ kyuuñ
ham pyaar se jiine kī duā dete haiñ jin ko
vo log bhī mar jaate haiñ ma.alūm nahīñ kyuuñ
kuchh log tujhe dekh ke ai fasl-e-bahārāñ
bā-dīda-e-tar jaate haiñ ma.alūm nahīñ kyuuñ
ik vahm samajhte the haqīqat ko jo kal tak
ab ḳhvāb se Dar jaate haiñ ma.alūm nahīñ kyuuñ
utre hue chehroñ ko bhī ye kahte sunā hai
kuchh ham se bhī Dar jaate haiñ ma.alūm nahīñ kyuuñ
ik silsila ashk hai shabnam magar is se
gulzār nikhar jaate haiñ ma.alūm nahīñ kyuuñ
manzil kī taraf rāh-e-mohabbat ke musāfir
be-raḳht-e-safar jaate haiñ ma.alūm nahīñ kyuuñ
kuchh dekh ke kuchh soch ke kuchh log jahāñ se
chup-chāp guzar jaate haiñ ma.alūm nahīñ kyuuñ
kashtī ko Dubo kar usī kashtī ke muhāfiz
ḳhud paar utar jaate haiñ ma.alūm nahīñ kyuuñ
ghar meñ koī ārām kī sūrat nahīñ phir bhī
thak-hār ke ghar jaate haiñ ma.alūm nahīñ kyuuñ
haañ aks-e-ruḳh-e-sañg-zada se bhī to ai 'lais'
ā.īne sañvar jaate haiñ ma.alūm nahīñ kyuuñ
بے قصد سفر جاتے ہیں معلوم نہیں کیوں
پھر خود ہی ٹھہر جاتے ہیں معلوم نہیں کیوں
ہم پیار سے جینے کی دعا دیتے ہیں جن کو
وہ لوگ بھی مر جاتے ہیں معلوم نہیں کیوں
کچھ لوگ تجھے دیکھ کے اے فصل بہاراں
با دیدۂ تر جاتے ہیں معلوم نہیں کیوں
اک وہم سمجھتے تھے حقیقت کو جو کل تک
اب خواب سے ڈر جاتے ہیں معلوم نہیں کیوں
اترے ہوئے چہروں کو بھی یہ کہتے سنا ہے
کچھ ہم سے بھی ڈر جاتے ہیں معلوم نہیں کیوں
اک سلسلہ اشک ہے شبنم مگر اس سے
گلزار نکھر جاتے ہیں معلوم نہیں کیوں
منزل کی طرف راہ محبت کے مسافر
بے رخت سفر جاتے ہیں معلوم نہیں کیوں
کچھ دیکھ کے کچھ سوچ کے کچھ لوگ جہاں سے
چپ چاپ گزر جاتے ہیں معلوم نہیں کیوں
کشتی کو ڈبو کر اسی کشتی کے محافظ
خود پار اتر جاتے ہیں معلوم نہیں کیوں
گھر میں کوئی آرام کی صورت نہیں پھر بھی
تھک ہار کے گھر جاتے ہیں معلوم نہیں کیوں
ہاں عکس رخ سنگ زدہ سے بھی تو اے لیثؔ
آئینے سنور جاتے ہیں معلوم نہیں کیوں