इतनी मुश्किल में भी अहबाब न डालें मुझ को
कि सँभलना भी न चाहूँ तो सँभालें मुझ को
ग़म-ए-दौराँ ग़म-ए-जानाँ ग़म-ए-जाँ एक हुए
डर रहा हूँ ये कहीं मार न डालें मुझ को
मुनफ़रिद मेरी तबीअत है ये हालात कहीं
रविश-ए-आम के साँचे में न ढालें मुझ को
मैं तो इस पर भी हूँ राज़ी कि तिरे शहर के लोग
मेरे बनते नहीं अपना ही बना लें मुझ को
आप मुझ से किसी ता'बीर की फिर बात करें
पहले इस ख़्वाब-ए-तमन्ना से जगा लें मुझ को
नहीं मा'लूम कि कल तक मैं रहूँ या न रहूँ
मेहरबाँ आज ही जी-भर के सता लें मुझ को
गर्दिशों के लिए अब तक न ये मुमकिन न हुआ
किसी सूरत मिरे मेहवर से हटा लें मुझ को
इन बुलंदी के मकीनों को मयस्सर ही नहीं
'लैस' वो हाथ जो पस्ती से उठा लें मुझ को
itnī mushkil meñ bhī ahbāb na Dāleñ mujh ko
ki sambhalnā bhī na chāhūñ to sambhāleñ mujh ko
ġham-e-daurāñ ġham-e-jānāñ ġham-e-jāñ ek hue
Dar rahā huuñ ye kahīñ maar na Dāleñ mujh ko
munfarid merī tabī.at hai ye hālāt kahīñ
ravish-e-ām ke sāñche meñ na Dhāleñ mujh ko
maiñ to is par bhī huuñ raazī ki tire shahr ke log
mere bante nahīñ apnā hī banā leñ mujh ko
aap mujh se kisī ta.abīr kī phir baat kareñ
pahle is ḳhvāb-e-tamannā se jagā leñ mujh ko
nahīñ ma.alūm ki kal tak maiñ rahūñ yā na rahūñ
mehrbāñ aaj hī jī-bhar ke satā leñ mujh ko
gardishoñ ke liye ab tak na ye mumkin na huā
kisī sūrat mire mehvar se haTā leñ mujh ko
in bulandī ke makīnoñ ko mayassar hī nahīñ
'lais' vo haath jo pastī se uThā leñ mujh ko
اتنی مشکل میں بھی احباب نہ ڈالیں مجھ کو
کہ سنبھلنا بھی نہ چاہوں تو سنبھالیں مجھ کو
غم دوراں غم جاناں غم جاں ایک ہوئے
ڈر رہا ہوں یہ کہیں مار نہ ڈالیں مجھ کو
منفرد میری طبیعت ہے یہ حالات کہیں
روش عام کے سانچے میں نہ ڈھالیں مجھ کو
میں تو اس پر بھی ہوں راضی کہ ترے شہر کے لوگ
میرے بنتے نہیں اپنا ہی بنا لیں مجھ کو
آپ مجھ سے کسی تعبیر کی پھر بات کریں
پہلے اس خواب تمنا سے جگا لیں مجھ کو
نہیں معلوم کہ کل تک میں رہوں یا نہ رہوں
مہرباں آج ہی جی بھر کے ستا لیں مجھ کو
گردشوں کے لئے اب تک نہ یہ ممکن نہ ہوا
کسی صورت مرے محور سے ہٹا لیں مجھ کو
ان بلندی کے مکینوں کو میسر ہی نہیں
لیثؔ وہ ہاتھ جو پستی سے اٹھا لیں مجھ کو