दिल मुज़्महिल है तेरी नवाज़िश के बावजूद
ये सरज़मीं उदास है बारिश के बावजूद
ख़ीरा न कर सके निगह-ए-इम्तियाज़ को
झूटे नगीं नुमूद-ओ-नुमाइश के बावजूद
एक फूल भी चमन में न दिल खोल कर हँसा
शबनम के आँसुओं की गुज़ारिश के बावजूद
क्या क़हर है कि झूट में मिलती है आफ़ियत
सच बोलना मुहाल है ख़्वाहिश के बावजूद
मेरा वक़ार ज़ीस्त न मजरूह कर सके
दुश्मन हज़ार हीला-ओ-साज़िश के बावजूद
अपनी ग़लत रविश को न तब्दील कर सके
कुछ दोस्त बार बार गुज़ारिश के बावजूद
बरख़ुद ग़लत कभी न हुए ज़िंदगी में 'लैस'
दुनिया-ए-फ़न में दाद-ओ-सताइश के बावजूद
dil muzmahil hai terī navāzish ke bāvajūd
ye sarzamīñ udaas hai bārish ke bāvajūd
ḳhīra na kar sake nigah-e-imtiyāz ko
jhūTe nagīñ numūd-o-numā.ish ke bāvajūd
ek phuul bhī chaman meñ na dil khol kar hañsā
shabnam ke āñsuoñ kī guzārish ke bāvajūd
kyā qahr hai ki jhuuT meñ miltī hai āfiyat
sach bolnā muhāl hai ḳhvāhish ke bāvajūd
merā vaqār ziist na majrūh kar sake
dushman hazār hīla-o-sāzish ke bāvajūd
apnī ġhalat ravish ko na tabdīl kar sake
kuchh dost baar baar guzārish ke bāvajūd
barḳhud ġhalat kabhī na hue zindagī meñ 'lais'
duniyā-e-fan meñ dād-o-satā.ish ke bāvajūd
دل مضمحل ہے تیری نوازش کے باوجود
یہ سرزمیں اداس ہے بارش کے باوجود
خیرہ نہ کر سکے نگہ امتیاز کو
جھوٹے نگیں نمود و نمائش کے باوجود
ایک پھول بھی چمن میں نہ دل کھول کر ہنسا
شبنم کے آنسوؤں کی گزارش کے باوجود
کیا قہر ہے کہ جھوٹ میں ملتی ہے عافیت
سچ بولنا محال ہے خواہش کے باوجود
میرا وقار زیست نہ مجروح کر سکے
دشمن ہزار حیلہ و سازش کے باوجود
اپنی غلط روش کو نہ تبدیل کر سکے
کچھ دوست بار بار گزارش کے باوجود
برخود غلط کبھی نہ ہوئے زندگی میں لیثؔ
دنیائے فن میں داد و ستائش کے باوجود