अहल-ए-जहाँ के साथ वफ़ा या जफ़ा करूँ
मेरी समझ में कुछ नहीं आता है क्या करूँ
ये दर्द-ए-दिल तो हासिल-ए-उम्र-दराज़ है
मैं इस को अपनी ज़ात से क्यूँ कर जुदा करूँ
दुनिया यही करेगी तो दुनिया से पेशतर
मजरूह क्यूँ न ख़ुद ही मैं अपनी अना करूँ
दुनिया में कौन है जो नहीं है मिरे ख़िलाफ़
इक तुम ही रह गए हो तुम्हें भी ख़फ़ा करूँ
हर ज़ाविए से ज़ीस्त ने रुस्वा किया मुझे
किस रुख़ से अपनी ज़ात का अब सामना करूँ
एहसान जो उठाए हैं औरों के वास्ते
औरों पे हैं वो क़र्ज़ मगर मैं अदा करूँ
आँखों को नींद की भी रिफ़ाक़त नहीं नसीब
मैं शम्अ' तो नहीं कि सहर तक जला करूँ
हसरत ही रह गई कि बहारों के दरमियाँ
तेरे बग़ैर भी तो कभी ख़ुश रहा करूँ
बेगानगी को छोड़ के फ़ितरत भी हँस पड़े
आदम के नाम पर कोई ऐसी ख़ता करूँ
जब कर्ब-ए-आगही में हूँ ऐ 'लैस' आज-कल
इस कर्ब-ए-आगही से किसे आश्ना करूँ
ahl-e-jahāñ ke saath vafā yā jafā karūñ
merī samajh meñ kuchh nahīñ aatā hai kyā karūñ
ye dard-e-dil to hāsil-e-umr-darāz hai
maiñ is ko apnī zaat se kyuuñ kar judā karūñ
duniyā yahī karegī to duniyā se peshtar
majrūh kyuuñ na ḳhud hī maiñ apnī anā karūñ
duniyā meñ kaun hai jo nahīñ hai mire ḳhilāf
ik tum hī rah ga.e ho tumheñ bhī ḳhafā karūñ
har zāviye se ziist ne rusvā kiyā mujhe
kis ruḳh se apnī zaat kā ab sāmnā karūñ
ehsān jo uThā.e haiñ auroñ ke vāste
auroñ pe haiñ vo qarz magar maiñ adā karūñ
āñkhoñ ko niiñd kī bhī rifāqat nahīñ nasīb
maiñ sham.a to nahīñ ki sahar tak jalā karūñ
hasrat hī rah ga.ī ki bahāroñ ke darmiyāñ
tere baġhair bhī to kabhī ḳhush rahā karūñ
begānagī ko chhoḌ ke fitrat bhī hañs paḌe
aadam ke naam par koī aisī ḳhatā karūñ
jab karb-e-āgahī meñ huuñ ai 'lais' āj-kal
is karb-e-āgahī se kise āshnā karūñ
اہل جہاں کے ساتھ وفا یا جفا کروں
میری سمجھ میں کچھ نہیں آتا ہے کیا کروں
یہ درد دل تو حاصل عمر دراز ہے
میں اس کو اپنی ذات سے کیوں کر جدا کروں
دنیا یہی کرے گی تو دنیا سے پیشتر
مجروح کیوں نہ خود ہی میں اپنی انا کروں
دنیا میں کون ہے جو نہیں ہے مرے خلاف
اک تم ہی رہ گئے ہو تمہیں بھی خفا کروں
ہر زاویے سے زیست نے رسوا کیا مجھے
کس رخ سے اپنی ذات کا اب سامنا کروں
احسان جو اٹھائے ہیں اوروں کے واسطے
اوروں پہ ہیں وہ قرض مگر میں ادا کروں
آنکھوں کو نیند کی بھی رفاقت نہیں نصیب
میں شمع تو نہیں کہ سحر تک جلا کروں
حسرت ہی رہ گئی کہ بہاروں کے درمیاں
تیرے بغیر بھی تو کبھی خوش رہا کروں
بیگانگی کو چھوڑ کے فطرت بھی ہنس پڑے
آدم کے نام پر کوئی ایسی خطا کروں
جب کرب آگہی میں ہوں اے لیثؔ آج کل
اس کرب آگہی سے کسے آشنا کروں