ये दिल की बात है किस ने कही है
मोहब्बत ख़ुद सरासर आगही है
तुम्हीं कह दो कि मैं बिल्कुल न समझा
नज़र झेंपी हुई कुछ कह रही है
ये सर पर साया-गुस्तर ख़ाक-ए-सहरा
जुनूँ बे-ताज की शाहनशही है
वो जिस ने छीन ली है ज़िंदगानी
मताअ-ए-ज़िंदगानी भी वही है
जुनून-ए-इश्क़ ख़ुद मंज़िल है 'कैफ़ी'
ख़िरद की राह इस में गुमरही है
ye dil kī baat hai kis ne kahī hai
mohabbat ḳhud sarāsar āgahī hai
tumhīñ kah do ki maiñ bilkul na samjhā
nazar jheñpī huī kuchh kah rahī hai
ye sar par sāya-gustar ḳhāk-e-sahrā
junūñ be-tāj kī shāhanshahī hai
vo jis ne chhīn lī hai zindagānī
matā.a-e-zindagānī bhī vahī hai
junūn-e-ishq ḳhud manzil hai 'kaifī'
ḳhirad kī raah is meñ gumrahī hai
یہ دل کی بات ہے کس نے کہی ہے
محبت خود سراسر آگہی ہے
تمہیں کہہ دو کہ میں بالکل نہ سمجھا
نظر جھینپی ہوئی کچھ کہہ رہی ہے
یہ سر پر سایہ گستر خاک صحرا
جنوں بے تاج کی شاہنشہی ہے
وہ جس نے چھین لی ہے زندگانی
متاع زندگانی بھی وہی ہے
جنون عشق خود منزل ہے کیفیؔ
خرد کی راہ اس میں گمرہی ہے