चाक सीने का ब-अंदाज़-ए-जिगर हो कि न हो
और फिर लज़्ज़त-ए-जाँ ज़ौक़-ए-असर हो कि न हो
तुझ से ऐ शम्अ' सर-ए-शाम ही रुख़्सत हो लूँ
शब बसर हो कि न हो वक़्त-ए-सहर हो कि न हो
उम्र-ए-नज़्ज़ारा उसी जल्वे पे क़ुर्बां कर दूँ
फिर कभी और मुझे ताब-ए-नज़र हो कि न हो
अब जहाँ वो हैं मिरा होश वहीं है ऐ दिल
बे-ख़बर मैं हूँ उन्हें इस की ख़बर हो कि न हो
अपने महशर की सहर भेज ही दे अब यारब
या'नी तन्हा है मिरी रात बसर हो कि न हो
इस क़दर पूछ तो लो रू-ए-सहर से 'कैफ़ी'
उस पे रंग-ए-असर-ए-दीदा-ए-तर हो कि न हो
chaak siine kā ba-andāz-e-jigar ho ki na ho
aur phir lazzat-e-jāñ zauq-e-asar ho ki na ho
tujh se ai sham.a sar-e-shām hī ruḳhsat ho luuñ
shab basar ho ki na ho vaqt-e-sahar ho ki na ho
umr-e-nazzāra usī jalve pe qurbāñ kar duuñ
phir kabhī aur mujhe tāb-e-nazar ho ki na ho
ab jahāñ vo haiñ mirā hosh vahīñ hai ai dil
be-ḳhabar maiñ huuñ unheñ is kī ḳhabar ho ki na ho
apne mahshar kī sahar bhej hī de ab yārab
ya.anī tanhā hai mirī raat basar ho ki na ho
is qadar pūchh to lo rū-e-sahar se 'kaifī'
us pe rañg-e-asar-e-dīda-e-tar ho ki na ho
چاک سینے کا بہ انداز جگر ہو کہ نہ ہو
اور پھر لذت جاں ذوق اثر ہو کہ نہ ہو
تجھ سے اے شمع سر شام ہی رخصت ہو لوں
شب بسر ہو کہ نہ ہو وقت سحر ہو کہ نہ ہو
عمر نظارہ اسی جلوے پہ قرباں کر دوں
پھر کبھی اور مجھے تاب نظر ہو کہ نہ ہو
اب جہاں وہ ہیں مرا ہوش وہیں ہے اے دل
بے خبر میں ہوں انہیں اس کی خبر ہو کہ نہ ہو
اپنے محشر کی سحر بھیج ہی دے اب یا رب
یعنی تنہا ہے مری رات بسر ہو کہ نہ ہو
اس قدر پوچھ تو لو روئے سحر سے کیفیؔ
اس پہ رنگ اثر دیدۂ تر ہو کہ نہ ہو