गो यौम-ए-बद्र मा'रका-ए-कार-ज़ार था
इस शक्ल में वो आयत-ए-परवरदिगार था
कहते हैं एक शख़्स असीरान-ए-बद्र से
रिश्ते में ख़्वेश-ए-सय्यद-ए-वाला-तबार था
वो कौन ज़ौज ज़ैनब-ए-बिन्त-ए-रसूल का
बुलआस वो जो साहिब-ए-इज़्ज़-ओ-वक़ार था
था हुक्म-ए-आम जो ज़र-ए-फ़िदया के वास्ते
दाख़िल हर एक इस में सिग़ार-ओ-किबार था
मक्के में ये ख़बर जो गई गूँजती हुई
छूटा अदा-ए-फ़िदया से जो माल-दार था
दामाद-ए-ताजदार-ए-मदीना असीर-ए-ग़म
अपने अदा-ए-फ़िद्या से बे-इख़्तियार था
ज़ैनब को दी ख़बर ये जनाब-ए-रसूल ने
फ़िदये का हुक्म-ए-ख़ास मगर बार बार था
जिस दम सुना ये हज़रत-ए-ज़ैनब ने माजरा
फ़िदया दिया वो अपने गले का जो हार था
लाया गया वो हार हुज़ूर-ए-रसूल में
देखा जो उस को आप का दिल बे-क़रार था
वो हार क्या था बाग़-ए-मोहब्बत का दाग़ था
या आतिश-ए-फ़िराक़ का ताज़ा शरार था
वो हार था कि हार की सूरत में जल्वा-गर
दाग़-ए-ग़म-ए-ख़दीजा-ए-उल्फ़त-शिआ'र था
भड़काई उस ने आतिश-ए-फ़ुर्क़त दबी हुई
या'नी ग़म-ए-फ़िराक़ की वो यादगार था
वो अक़्द या'नी शान-ए-मोहब्बत का ज़िंदा-दार
आज़ादी-ए-असीर का भी चारा-कार था
'कैफ़ी' यही वो जुरअत-ए-इख़्लास ख़ास थी
जिस से कि क़स्र-ए-दीन-ए-मुबीं उस्तुवार था
go yaum-e-badr ma.arka-e-kār-zār thā
is shakl meñ vo āyat-e-parvardigār thā
kahte haiñ ek shaḳhs asīrān-e-badr se
rishte meñ ḳhvesh-e-sayyad-e-vālā-tabār thā
vo kaun zauj zainab-e-bint-e-rasūl kā
bulās vo jo sāhib-e-izz-o-vaqār thā
thā hukm-e-ām jo zar-e-fidya ke vāste
dāḳhil har ek is meñ siġhār-o-kibār thā
makke meñ ye ḳhabar jo ga.ī gūñjtī huī
chhūTā adā-e-fidya se jo māl-dār thā
dāmād-e-tājdār-e-madīna asīr-e-ġham
apne adā-e-fidya se be-iḳhtiyār thā
zainab ko dī ḳhabar ye janāb-e-rasūl ne
fidye kā hukm-e-ḳhās magar baar baar thā
jis dam sunā ye hazrat-e-zainab ne mājrā
fidya diyā vo apne gale kā jo haar thā
laayā gayā vo haar huzūr-e-rasūl meñ
dekhā jo us ko aap kā dil be-qarār thā
vo haar kyā thā bāġh-e-mohabbat kā daaġh thā
yā ātish-e-firāq kā taaza sharār thā
vo haar thā ki haar kī sūrat meñ jalva-gar
dāġh-e-ġham-e-ḳhadīja-e-ulfat-shi.ār thā
bhaḌkā.ī us ne ātish-e-furqat dabī huī
ya.anī ġham-e-firāq kī vo yādgār thā
vo aqd ya.anī shān-e-mohabbat kā zinda-dār
āzādī-e-asīr kā bhī chāra-kār thā
'kaifī' yahī vo jur.at-e-iḳhlās ḳhaas thī
jis se ki qasr-e-dīn-e-mubīñ ustuvār thā
گو یوم بدر معرکۂ کار زار تھا
اس شکل میں وہ آیت پروردگار تھا
کہتے ہیں ایک شخص اسیران بدر سے
رشتے میں خویش سید والا تبار تھا
وہ کون زوج زینب بنت رسول کا
بو العاص وہ جو صاحب عز و وقار تھا
تھا حکم عام جو زر فدیہ کے واسطے
داخل ہر ایک اس میں صغار و کبار تھا
مکے میں یہ خبر جو گئی گونجتی ہوئی
چھوٹا ادائے فدیہ سے جو مال دار تھا
داماد تاجدار مدینہ اسیر غم
اپنے ادائے فدیہ سے بے اختیار تھا
زینب کو دی خبر یہ جناب رسول نے
فدیے کا حکم خاص مگر بار بار تھا
جس دم سنا یہ حضرت زینب نے ماجرا
فدیہ دیا وہ اپنے گلے کا جو ہار تھا
لایا گیا وہ ہار حضور رسول میں
دیکھا جو اس کو آپ کا دل بے قرار تھا
وہ ہار کیا تھا باغ محبت کا داغ تھا
یا آتش فراق کا تازہ شرار تھا
وہ ہار تھا کہ ہار کی صورت میں جلوہ گر
داغ غم خدیجۂ الفت شعار تھا
بھڑکائی اس نے آتش فرقت دبی ہوئی
یعنی غم فراق کی وہ یادگار تھا
وہ عقد یعنی شان محبت کا زندہ دار
آزادیٔ اسیر کا بھی چارہ کار تھا
کیفیؔ یہی وہ جرأت اخلاص خاص تھی
جس سے کہ قصر دین مبیں استوار تھا