हुस्न-ए-हिजाब-आश्ना जानिब-ए-बाम आ गया
बादा-ए-तह-नशीन-ए-जाम ता लब-ए-जाम आ गया
आप ने फेंक दी नक़ाब गर्मी-ए-इश्क़ देख कर
हश्र-नवाज़ हुस्न आज हश्र के काम आ गया
मिल्लत-ए-कुफ़्र-ओ-दीं की बहस गर्म थी ख़ानक़ाह में
इतने में कोई मय पिए दस्त-ब-जाम आ गया
शौक़ का ए'तिबार क्या यास ये इख़्तियार क्या
राह-ए-उम्मीद-ओ-बीम में दिल का मक़ाम आ गया
दिल मिरा देखता रहा और मेरी ज़बान पर
लज़्ज़त-ए-जान-ए-आरज़ू आप का नाम आ गया
दहर जवान हो गया खुल गया मय-कदे का दर
साक़ी-ए-मस्त मस्त-ए-नाज़ मस्त-ए-ख़िराम आ गया
जल्वा-ए-बे-हिजाब को ख़ूब समझ रहा हूँ मैं
महशर-ए-दीद मुंतज़िर मंज़र-ए-आम आ गया
'कैफ़ी'-ए-बे-क़रार सुन ये रग-ए-जाँ के साज़ से
है मिरी इल्तिजा क़ुबूल दिल का पयाम आ गया
husn-e-hijāb-āshnā jānib-e-bām aa gayā
bāda-e-tah-nashīn-e-jām tā lab-e-jām aa gayā
aap ne pheñk dī naqāb garmi-e-ishq dekh kar
hashr-navāz husn aaj hashr ke kaam aa gayā
millat-e-kufr-o-dīñ kī bahas garm thī ḳhānqāh meñ
itne meñ koī mai piye dast-ba-jām aa gayā
shauq kā e'tibār kyā yaas ye iḳhtiyār kyā
rāh-e-ummīd-o-bīm meñ dil kā maqām aa gayā
dil mirā dekhtā rahā aur merī zabān par
lazzat-e-jān-e-ārzū aap kā naam aa gayā
dahr javān ho gayā khul gayā mai-kade kā dar
sāqī-e-mast mast-e-nāz mast-e-ḳhirām aa gayā
jalva-e-be-hijāb ko ḳhuub samajh rahā huuñ maiñ
mahshar-e-dīd muntazir manzar-e-ām aa gayā
'kaifī'-e-be-qarār sun ye rag-e-jāñ ke saaz se
hai mirī iltijā qubūl dil kā payām aa gayā
حسن حجاب آشنا جانب بام آ گیا
بادۂ تہ نشین جام تا لب جام آ گیا
آپ نے پھینک دی نقاب گرمئ عشق دیکھ کر
حشر نواز حسن آج حشر کے کام آ گیا
ملت کفر و دیں کی بحث گرم تھی خانقاہ میں
اتنے میں کوئی مے پئے دست بہ جام آ گیا
شوق کا اعتبار کیا یاس یہ اختیار کیا
راہ امید و بیم میں دل کا مقام آ گیا
دل مرا دیکھتا رہا اور میری زبان پر
لذت جان آرزو آپ کا نام آ گیا
دہر جوان ہو گیا کھل گیا میکدے کا در
ساقیٔ مست مست ناز مست خرام آ گیا
جلوۂ بے حجاب کو خوب سمجھ رہا ہوں میں
محشر دید منتظر منظر عام آ گیا
کیفیؔٔ بے قرار سن یہ رگ جاں کے ساز سے
ہے مری التجا قبول دل کا پیام آ گیا