यक़ीन-ए-नूर हो दिल में तो शब गवारा है
सहर ने रात के उस पार से पुकारा है
न खाओ ख़ौफ़ तिलिस्मात-ए-मंज़र-ए-शब से
फ़रेब-ए-शो'ला-ए-ज़ुल्मत है जो नज़ारा है
बँधा हुआ है निगाहों से मेहर-ए-ताबाँ तक
चले चलो कि ये तार-ए-नज़र सहारा है
अभी से शिकवा-ए-अय्याम-ए-रफ़्ता चे-मा'नी
अभी तो रात हमारी है दिन हमारा है
धड़क भी जाए तो चिंगारियाँ सी उठती हैं
ये दिल नहीं मिरे सीने में संग-ए-ख़ारा है
हुजूम-ए-कार-ए-मुसलसल ने कर दिया तन्हा
मिरी कमाई मुनाफ़ा' नहीं ख़सारा है
yaqīn-e-nūr ho dil meñ to shab gavārā hai
sahar ne raat ke us paar se pukārā hai
na khaao ḳhauf tilismāt-e-manzar-e-shab se
fareb-e-sho'la-e-zulmat hai jo nazāra hai
bañdhā huā hai nigāhoñ se mehr-e-tābāñ tak
chale chalo ki ye tār-e-nazar sahārā hai
abhī se shikva-e-ayyām-e-rafta che-mā'nī
abhī to raat hamārī hai din hamārā hai
dhaḌak bhī jaa.e to chingāriyāñ sī uThtī haiñ
ye dil nahīñ mire siine meñ sang-e-ḳhārā hai
hujūm-e-kār-e-musalsal ne kar diyā tanhā
mirī kamā.ī munāfa' nahīñ ḳhasāra hai
یقین نور ہو دل میں تو شب گوارا ہے
سحر نے رات کے اس پار سے پکارا ہے
نہ کھاؤ خوف طلسمات منظر شب سے
فریب شعلۂ ظلمت ہے جو نظارہ ہے
بندھا ہوا ہے نگاہوں سے مہر تاباں تک
چلے چلو کہ یہ تار نظر سہارا ہے
ابھی سے شکوۂ ایام رفتہ چہ معنی
ابھی تو رات ہماری ہے دن ہمارا ہے
دھڑک بھی جائے تو چنگاریاں سی اٹھتی ہیں
یہ دل نہیں مرے سینے میں سنگ خارا ہے
ہجوم کار مسلسل نے کر دیا تنہا
مری کمائی منافع نہیں خسارہ ہے