बज़्म-ए-याराँ न रही शहर-ए-तमन्ना न रहा
ज़िंदगी तेरा बुरा हो कोई मेरा न रहा
आरज़ू कासा-ए-हसरत में ढली जाती है
दस्त-ए-उम्मीद में बाक़ी कोई सिक्का न रहा
तुम से शिकवा नहीं शिकवा है ज़माने से मुझे
न रहे तुम तो कोई पूछने वाला न रहा
बाम-ओ-दर भी हैं मयस्सर मुझे दस्तार भी आज
ये अलग बात कि सर पर कोई साया न रहा
इस तरह अपना बनाया ग़म-ए-उल्फ़त ने मुझे
ग़म-ए-दुनिया को भी मुझ से कोई शिकवा न रहा
उठ गया बज़्म-ए-मरासिम से दिल-ए-ज़ार भी अब
एक बे-नाम सा होता था जो रिश्ता न रहा
बे-नवा कर गया मुझ को भी फ़रेब-ए-दुनिया
लब-ए-ईक़ान पे जारी कोई कलमा न रहा
क्या मिला कार-ए-मसीहाई से आख़िर मुझ को
ग़म भी ग़ैरों के हुए दर्द भी अपना न रहा
ख़्वाब-ए-मंज़िल थे निशाँ जिस की मसाफ़त में 'ज़हीर'
हम-सफ़र मिल गए आख़िर तो वो रस्ता न रहा
bazm-e-yārāñ na rahī shahr-e-tamannā na rahā
zindagī terā burā ho koī merā na rahā
aarzū kāsa-e-hasrat meñ Dhalī jaatī hai
dast-e-ummīd meñ baaqī koī sikka na rahā
tum se shikva nahīñ shikva hai zamāne se mujhe
na rahe tum to koī pūchhne vaalā na rahā
bām-o-dar bhī haiñ mayassar mujhe dastār bhī aaj
ye alag baat ki sar par koī saaya na rahā
is tarah apnā banāyā ġham-e-ulfat ne mujhe
ġham-e-duniyā ko bhī mujh se koī shikva na rahā
uTh gayā bazm-e-marāsim se dil-e-zār bhī ab
ek be-nām sā hotā thā jo rishta na rahā
be-navā kar gayā mujh ko bhī fareb-e-duniyā
lab-e-īqān pe jaarī koī kalma na rahā
kyā milā kār-e-masīhā.ī se āḳhir mujh ko
ġham bhī ġhairoñ ke hue dard bhī apnā na rahā
ḳhvāb-e-manzil the nishāñ jis kī masāfat meñ 'zahīr'
ham-safar mil ga.e āḳhir to vo rasta na rahā
بزم یاراں نہ رہی شہر تمنا نہ رہا
زندگی تیرا برا ہو کوئی میرا نہ رہا
آرزو کاسۂ حسرت میں ڈھلی جاتی ہے
دست امید میں باقی کوئی سکہ نہ رہا
تم سے شکوہ نہیں شکوہ ہے زمانے سے مجھے
نہ رہے تم تو کوئی پوچھنے والا نہ رہا
بام و در بھی ہیں میسر مجھے دستار بھی آج
یہ الگ بات کہ سر پر کوئی سایہ نہ رہا
اس طرح اپنا بنایا غم الفت نے مجھے
غم دنیا کو بھی مجھ سے کوئی شکوہ نہ رہا
اٹھ گیا بزم مراسم سے دل زار بھی اب
ایک بے نام سا ہوتا تھا جو رشتہ نہ رہا
بے نوا کر گیا مجھ کو بھی فریب دنیا
لب ایقان پہ جاری کوئی کلمہ نہ رہا
کیا ملا کار مسیحائی سے آخر مجھ کو
غم بھی غیروں کے ہوئے درد بھی اپنا نہ رہا
خواب منزل تھے نشاں جس کی مسافت میں ظہیرؔ
ہم سفر مل گئے آخر تو وہ رستہ نہ رہا