वो तेरे इल्तिफ़ात का मौसम गुज़र गया
अच्छा हुआ ये बोझ भी सर से उतर गया
था मुनहसिर ख़राबी-ए-दिल पर सुकून-ए-ज़ीस्त
बिगड़े हम इस तरह कि ज़माना सँवर गया
अब चश्म-ए-आरज़ू में कोई दास्ताँ नहीं
अफ़्साना-ए-हयात कोई ख़त्म कर गया
जैसे नसीम छू के गुज़र जाए कोई फूल
तेरा ख़याल यूँ मिरे दिल से गुज़र गया
ऐ ख़ून-ए-आरज़ू तिरा एहसान क्या कहूँ
तू किश्त-ए-आरज़ू मिरी शादाब कर गया
बज़्म-ए-वफ़ा में वो हमा-तन-गोश थे मगर
होंटों तक आ के हर्फ़-ए-तमन्ना किधर गया
उम्र-ए-बहार और 'ग़नी' इतनी मुख़्तसर
झपकी जो आँख क़ाफ़िला-ए-दिल गुज़र गया
क्या पूछते हो तुम ख़लिश-ए-दिल का माजरा
दामान-ए-आरज़ू कोई काँटों से भर गया
vo tere iltifāt kā mausam guzar gayā
achchhā huā ye bojh bhī sar se utar gayā
thā munhasir ḳharābi-e-dil par sukūn-e-zīst
bigḌe ham is tarah ki zamāna sañvar gayā
ab chashm-e-ārzū meñ koī dāstāñ nahīñ
afsāna-e-hayāt koī ḳhatm kar gayā
jaise nasīm chhū ke guzar jaa.e koī phuul
terā ḳhayāl yuuñ mire dil se guzar gayā
ai ḳhūn-e-ārzū tirā ehsān kyā kahūñ
tū kisht-e-ārzū mirī shādāb kar gayā
bazm-e-vafā meñ vo hama-tan-gosh the magar
hoñToñ tak aa ke harf-e-tamannā kidhar gayā
umr-e-bahār aur 'ġhanī' itnī muḳhtasar
jhapkī jo aañkh qāfla-e-dil guzar gayā
kyā pūchhte ho tum ḳhalish-e-dil kā mājrā
dāmān-e-ārzū koī kāñToñ se bhar gayā
وہ تیرے التفات کا موسم گزر گیا
اچھا ہوا یہ بوجھ بھی سر سے اتر گیا
تھا منحصر خرابی دل پر سکون زیست
بگڑے ہم اس طرح کہ زمانہ سنور گیا
اب چشم آرزو میں کوئی داستاں نہیں
افسانۂ حیات کوئی ختم کر گیا
جیسے نسیم چھو کے گزر جائے کوئی پھول
تیرا خیال یوں مرے دل سے گزر گیا
اے خون آرزو ترا احسان کیا کہوں
تو کشت آرزو مری شاداب کر گیا
بزم وفا میں وہ ہمہ تن گوش تھے مگر
ہونٹوں تک آ کے حرف تمنا کدھر گیا
عمر بہار اور غنیؔ اتنی مختصر
جھپکی جو آنکھ قافلۂ دل گزر گیا
کیا پوچھتے ہو تم خلش دل کا ماجرا
دامان آرزو کوئی کانٹوں سے بھر گیا