वो गुम शराब में क्यों आए हम को क्या मा'लूम
हम एहतिसाब में क्यों आए हम को क्या मा'लूम
लिखा था हम ने कि चेहरा तुम्हारा भूल गए
वो ख़ुद जवाब में क्यों आए हम को क्या मा'लूम
उन्हें पसंद नहीं है हमारी गुस्ताख़ी
हम उन के ख़्वाब में क्यों आए हम को क्या मा'लूम
वो सानहे जो तसव्वुर में हम पे गुज़रे थे
तिरी किताब में क्यों आए हम को क्या मा'लूम
जिन्हें था ज़ो'म बहुत अपनी पारसाई का
वो सौ हिजाब में क्यों आए हम को क्या मा'लूम
वो तिश्ना-लब कि जिन्हें तिश्नगी का 'इरफ़ाँ था
वही सराब में क्यों आए हम को क्या मा'लूम
ये पूछना है तो पूछो निगाह-ए-क़ातिल से
हम इंतिख़ाब में क्यों आए हम को क्या मा'लूम
'कमाल' और भी शा'इर थे रात महफ़िल में
तुम्हीं 'इताब में क्यों आए हम को क्या मा'लूम
vo gum sharāb meñ kyoñ aa.e ham ko kyā mā'lūm
ham ehtisāb meñ kyoñ aa.e ham ko kyā mā'lūm
likhā thā ham ne ki chehra tumhārā bhuul ga.e
vo ḳhud javāb meñ kyoñ aa.e ham ko kyā mā'lūm
unheñ pasand nahīñ hai hamārī gustāḳhī
ham un ke ḳhvāb meñ kyoñ aa.e ham ko kyā mā'lūm
vo sānahe jo tasavvur meñ ham pe guzre the
tirī kitāb meñ kyoñ aa.e ham ko kyā mā'lūm
jinheñ thā zo'm bahut apnī pārsā.ī kā
vo sau hijāb meñ kyoñ aa.e ham ko kyā mā'lūm
vo tishna-lab ki jinheñ tishnagī kā 'irfāñ thā
vahī sarāb meñ kyoñ aa.e ham ko kyā mā'lūm
ye pūchhnā hai to pūchho nigāh-e-qātil se
ham intiḳhāb meñ kyoñ aa.e ham ko kyā mā'lūm
'kamāl' aur bhī shā'ir the raat mahfil meñ
tumhīñ 'itāb meñ kyoñ aa.e ham ko kyā mā'lūm
وہ گم شراب میں کیوں آئے ہم کو کیا معلوم
ہم احتساب میں کیوں آئے ہم کو کیا معلوم
لکھا تھا ہم نے کہ چہرہ تمہارا بھول گئے
وہ خود جواب میں کیوں آئے ہم کو کیا معلوم
انہیں پسند نہیں ہے ہماری گستاخی
ہم ان کے خواب میں کیوں آئے ہم کو کیا معلوم
وہ سانحے جو تصور میں ہم پہ گزرے تھے
تری کتاب میں کیوں آئے ہم کو کیا معلوم
جنہیں تھا زعم بہت اپنی پارسائی کا
وہ سو حجاب میں کیوں آئے ہم کو کیا معلوم
وہ تشنہ لب کہ جنہیں تشنگی کا عرفاں تھا
وہی سراب میں کیوں آئے ہم کو کیا معلوم
یہ پوچھنا ہے تو پوچھو نگاہ قاتل سے
ہم انتخاب میں کیوں آئے ہم کو کیا معلوم
کمالؔ اور بھی شاعر تھے رات محفل میں
تمہیں عتاب میں کیوں آئے ہم کو کیا معلوم