जिन अँखड़ियों में न था कुछ शरारतों के सिवा
उन अँखड़ियों में नहीं कुछ भी हसरतों के सिवा
लबों पे मौज-ए-तबस्सुम का अहद बीत गया
लबों पे आज नहीं कुछ शिकायतों के सिवा
वो अंजुमन का तसव्वुर करे तो कैसे करे
जिसे नसीब न हो कुछ भी ख़ल्वतों के सिवा
इक आइना हूँ जुनून-ओ-ख़िरद का आईना
मिरी नज़र में नहीं कुछ भी हैरतों के सिवा
उसी से पूछ मिरे इंतिज़ार का आलम
जिसे न कुछ भी मयस्सर हो फ़ुर्सतों के सिवा
गुदाज़-ए-साग़र-ओ-पैमाना कौन समझा है
मिरे सिवा मिरे दिल की नज़ाकतों के सिवा
कमी उसी में तमन्नाएँ जल्वा-गर थीं 'कमाल'
कुछ आज दिल में नहीं है जराहतों के सिवा
jin añkhḌiyoñ meñ na thā kuchh sharāratoñ ke sivā
un añkhḌiyoñ meñ nahīñ kuchh bhī hasratoñ ke sivā
laboñ pe mauj-e-tabassum kā ahd biit gayā
laboñ pe aaj nahīñ kuchh shikāyatoñ ke sivā
vo anjuman kā tasavvur kare to kaise kare
jise nasīb na ho kuchh bhī ḳhalvatoñ ke sivā
ik aa.ina huuñ junūn-o-ḳhirad kā ā.īna
mirī nazar meñ nahīñ kuchh bhī hairatoñ ke sivā
usī se pūchh mire intizār kā aalam
jise na kuchh bhī mayassar ho fursatoñ ke sivā
gudāz-e-sāġhar-o-paimāna kaun samjhā hai
mire sivā mire dil kī nazākatoñ ke sivā
kamī usī meñ tamannā.eñ jalva-gar thiiñ 'kamāl'
kuchh aaj dil meñ nahīñ hai jarāhatoñ ke sivā
جن انکھڑیوں میں نہ تھا کچھ شرارتوں کے سوا
ان انکھڑیوں میں نہیں کچھ بھی حسرتوں کے سوا
لبوں پہ موج تبسم کا عہد بیت گیا
لبوں پہ آج نہیں کچھ شکایتوں کے سوا
وہ انجمن کا تصور کرے تو کیسے کرے
جسے نصیب نہ ہو کچھ بھی خلوتوں کے سوا
اک آئنہ ہوں جنون و خرد کا آئینہ
مری نظر میں نہیں کچھ بھی حیرتوں کے سوا
اسی سے پوچھ مرے انتظار کا عالم
جسے نہ کچھ بھی میسر ہو فرصتوں کے سوا
گداز ساغر و پیمانہ کون سمجھا ہے
مرے سوا مرے دل کی نزاکتوں کے سوا
کمی اسی میں تمنائیں جلوہ گر تھیں کمالؔ
کچھ آج دل میں نہیں ہے جراحتوں کے سوا