बातें जो थीं दुरुस्त पुराने निसाब में
उन में से एक भी तो नहीं है किताब में
महरूमियों ने बज़्म सजाई है ख़्वाब में
सब के अलग अलग हैं मनाज़िर सराब में
पानी की तरह अहल-ए-हवस ने शराब पी
लिक्खी गई है तिश्ना-लबों के हिसाब में
सब नाम हैं दुरुस्त मगर वाक़िआ ग़लत
हर बात सच नहीं जो लिखी है किताब में
सद-आतिशा अगर हो तिरा रंग-रूप है
जो रंग फूल में है नशा है शराब में
उस का तो एक लफ़्ज़ भी हम को नहीं है याद
कल रात एक शेर कहा था जो ख़्वाब में
कुछ शेर शायद उस को पसंद आ गए 'कमाल'
होंटों के कुछ निशाँ हैं तुम्हारी किताब में
bāteñ jo thiiñ durust purāne nisāb meñ
un meñ se ek bhī to nahīñ hai kitāb meñ
mahrūmiyoñ ne bazm sajā.ī hai ḳhvāb meñ
sab ke alag alag haiñ manāzir sarāb meñ
paanī kī tarah ahl-e-havas ne sharāb pī
likkhī ga.ī hai tishna-laboñ ke hisāb meñ
sab naam haiñ durust magar vāqi.a ġhalat
har baat sach nahīñ jo likhī hai kitāb meñ
sad-ātisha agar ho tirā rañg-rūp hai
jo rañg phuul meñ hai nasha hai sharāb meñ
us kā to ek lafz bhī ham ko nahīñ hai yaad
kal raat ek sher kahā thā jo ḳhvāb meñ
kuchh sher shāyad us ko pasand aa ga.e 'kamāl'
hoñToñ ke kuchh nishāñ haiñ tumhārī kitāb meñ
باتیں جو تھیں درست پرانے نصاب میں
ان میں سے ایک بھی تو نہیں ہے کتاب میں
محرومیوں نے بزم سجائی ہے خواب میں
سب کے الگ الگ ہیں مناظر سراب میں
پانی کی طرح اہل ہوس نے شراب پی
لکھی گئی ہے تشنہ لبوں کے حساب میں
سب نام ہیں درست مگر واقعہ غلط
ہر بات سچ نہیں جو لکھی ہے کتاب میں
صد آتشہ اگر ہو ترا رنگ روپ ہے
جو رنگ پھول میں ہے نشہ ہے شراب میں
اس کا تو ایک لفظ بھی ہم کو نہیں ہے یاد
کل رات ایک شعر کہا تھا جو خواب میں
کچھ شعر شاید اس کو پسند آ گئے کمالؔ
ہونٹوں کے کچھ نشاں ہیں تمہاری کتاب میں