पहचानते हैं रास्ते मुझ ख़ाकसार को
मैं साथ ले के चलता हूँ अपने ग़ुबार को
अपनी पसंद के रखे उस ने धनक में रंग
टोका नहीं किसी ने भी परवरदिगार को
पढ़ने लगा मैं कत्बे को और नींद खुल गई
देखा था जाने ख़्वाब में किस के मज़ार को
बिखरे हुए पड़े रहो अब अपनी ज़ात में
क्यों अन-सुना किया था लहू की पुकार को
अच्छी खपत है इन दिनों हिज्र-ओ-विसाल की
सो मैं ने भी बढ़ा दिया है कारोबार को
कब तक छुपे रहोगे किताबों की ओट में
तन्हाई ढूँढ लेती है अपने शिकार को
pahchānte haiñ rāste mujh ḳhāksār ko
maiñ saath le ke chaltā huuñ apne ġhubār ko
apnī pasand ke rakhe us ne dhanak meñ rang
Tokā nahīñ kisī ne bhī parvardigār ko
paḌhne lagā maiñ katbe ko aur niiñd khul ga.ī
dekhā thā jaane ḳhvāb meñ kis ke mazār ko
bikhre hue paḌe raho ab apnī zaat meñ
kyoñ an-sunā kiyā thā lahū kī pukār ko
achchhī khapat hai in dinoñ hijr-o-visāl kī
so maiñ ne bhī baḌhā diyā hai kārobār ko
kab tak chhupe rahoge kitāboñ kī oT meñ
tanhā.ī DhūñDh letī hai apne shikār ko
پہچانتے ہیں راستے مجھ خاکسار کو
میں ساتھ لے کے چلتا ہوں اپنے غبار کو
اپنی پسند کے رکھے اس نے دھنک میں رنگ
ٹوکا نہیں کسی نے بھی پروردگار کو
پڑھنے لگا میں کتبے کو اور نیند کھل گئی
دیکھا تھا جانے خواب میں کس کے مزار کو
بکھرے ہوئے پڑے رہو اب اپنی ذات میں
کیوں ان سنا کیا تھا لہو کی پکار کو
اچھی کھپت ہے ان دنوں ہجر و وصال کی
سو میں نے بھی بڑھا دیا ہے کاروبار کو
کب تک چھپے رہو گے کتابوں کی اوٹ میں
تنہائی ڈھونڈھ لیتی ہے اپنے شکار کو