अब्र नद्दी सबा ने कुछ न कहा
चुप था मैं तो फ़ज़ा ने कुछ न कहा
जब कि मेरे क़रीब से गुज़री
मुझ से तेरी सदा ने कुछ न कहा
बढ़ गई आगे रक़्स करते हुए
नक़्श-ए-पा से हवा ने कुछ न कहा
लब-कुशा सब थे जब्र-ए-शब पे मगर
इक सितारा-नुमा ने कुछ न कहा
बा'द में की मिरी पज़ीराई
पहले पहले ख़ला ने कुछ न कहा
मुझ को उम्मीद गुफ़्तुगू की थी
मुझ से लेकिन ख़ुदा ने कुछ न कहा
abr naddī sabā ne kuchh na kahā
chup thā maiñ to fazā ne kuchh na kahā
jab ki mere qarīb se guzrī
mujh se terī sadā ne kuchh na kahā
baḌh ga.ī aage raqs karte hue
naqsh-e-pā se havā ne kuchh na kahā
lab-kushā sab the jabr-e-shab pe magar
ik sitāra-numā ne kuchh na kahā
baa'd meñ kī mirī pazīrā.ī
pahle pahle ḳhalā ne kuchh na kahā
mujh ko ummīd guftugū kī thī
mujh se lekin ḳhudā ne kuchh na kahā
ابر ندی صبا نے کچھ نہ کہا
چپ تھا میں تو فضا نے کچھ نہ کہا
جب کہ میرے قریب سے گزری
مجھ سے تیری صدا نے کچھ نہ کہا
بڑھ گئی آگے رقص کرتے ہوئے
نقش پا سے ہوا نے کچھ نہ کہا
لب کشا سب تھے جبر شب پہ مگر
اک ستارہ نما نے کچھ نہ کہا
بعد میں کی مری پذیرائی
پہلے پہلے خلا نے کچھ نہ کہا
مجھ کو امید گفتگو کی تھی
مجھ سے لیکن خدا نے کچھ نہ کہا