ज़ात के 'अज़ाब सह रहे हैं हम
शुक्र है कि शे'र कह रहे हैं हम
इस मकाँ में और कोई भी नहीं
या'नी अपने साथ रह रहे हैं हम
ले न जाए हम को शह्र-ए-यास में
जिस हवा के साथ बह रहे हैं हम
ऐ हवा-ए-सर्द कोई इस्म फूँक
जून से उदास रह रहे हैं हम
सिलवटें लिए हुए वुजूद पर
एक 'उम्र ख़ुद में तह रहे हैं हम
फिर ग़ुबार उठ रहा है ज़ात से
शाम हो रही है ढह रहे हैं हम
zaat ke 'azāb sah rahe haiñ ham
shukr hai ki she'r kah rahe haiñ ham
is makāñ meñ aur koī bhī nahīñ
yā'nī apne saath rah rahe haiñ ham
le na jaa.e ham ko shahr-e-yās meñ
jis havā ke saath bah rahe haiñ ham
ai havā-e-sard koī ism phūñk
june se udaas rah rahe haiñ ham
silvaTeñ liye hue vujūd par
ek 'umr ḳhud meñ tah rahe haiñ ham
phir ġhubār uTh rahā hai zaat se
shaam ho rahī hai Dhah rahe haiñ ham
ذات کے عذاب سہ رہے ہیں ہم
شکر ہے کہ شعر کہہ رہے ہیں ہم
اس مکاں میں اور کوئی بھی نہیں
یعنی اپنے ساتھ رہ رہے ہیں ہم
لے نہ جائے ہم کو شہر یاس میں
جس ہوا کے ساتھ بہ رہے ہیں ہم
اے ہوائے سرد کوئی اسم پھونک
جون سے اداس رہ رہے ہیں ہم
سلوٹیں لیے ہوئے وجود پر
ایک عمر خود میں تہ رہے ہیں ہم
پھر غبار اٹھ رہا ہے ذات سے
شام ہو رہی ہے ڈھ رہے ہیں ہم