हम न ध्यानी थे न 'इरफ़ानी थे
हम सुख़न-साज़ तो इम्कानी थे
उस की क़िरअत से हुए हैं आज़ाद
हम जो इक लफ़्ज़ के ज़िंदानी थे
ख़ाक से बा'द में मंसूब हुए
अव्वल-ए-अव्वल तो सभी पानी थे
हम जिसे ओढ़े हुए रहते थे
ख़्वाब उसी नींद की 'उर्यानी थे
अब जो आबाद नज़र आता है
हम उसी दश्त की वीरानी थे
हम किसी और की मुश्किल हैं अब
हम किसी और की आसानी थे
सब्ज़ रहता था वो हर मौसम में
उस की आँखों में कई पानी थे
उस का इदराक बदन भर ही था
और मिरे मसअले रूहानी थे
ham na dhyānī the na 'irfānī the
ham suḳhan-sāz to imkānī the
us kī qir.at se hue haiñ āzād
ham jo ik lafz ke zindānī the
ḳhaak se baa'd meñ mansūb hue
avval-e-avval to sabhī paanī the
ham jise oḌhe hue rahte the
ḳhvāb usī niiñd kī 'uryānī the
ab jo ābād nazar aatā hai
ham usī dasht kī vīrānī the
ham kisī aur kī mushkil haiñ ab
ham kisī aur kī āsānī the
sabz rahtā thā vo har mausam meñ
us kī āñkhoñ meñ ka.ī paanī the
us kā idrāk badan bhar hī thā
aur mire mas.ale rūhānī the
ہم نہ دھیانی تھے نہ عرفانی تھے
ہم سخن ساز تو امکانی تھے
اس کی قرأت سے ہوئے ہیں آزاد
ہم جو اک لفظ کے زندانی تھے
خاک سے بعد میں منسوب ہوئے
اول اول تو سبھی پانی تھے
ہم جسے اوڑھے ہوئے رہتے تھے
خواب اسی نیند کی عریانی تھے
اب جو آباد نظر آتا ہے
ہم اسی دشت کی ویرانی تھے
ہم کسی اور کی مشکل ہیں اب
ہم کسی اور کی آسانی تھے
سبز رہتا تھا وہ ہر موسم میں
اس کی آنکھوں میں کئی پانی تھے
اس كا ادراک بدن بھر ہی تھا
اور مرے مسئلے روحانی تھے