नील-गूँ नाव से उतरे हैं हम
मल्गजी घाट पे बैठे हैं हम
राख होता ही नहीं वो मंज़र
रोज़ चक़माक़ रगड़ते हैं हम
ज़ात उस की है कलीदी गोया
उस से मिलते हैं तो खुलते हैं हम
आबला फूटता है जैसे कोई
बैन करते हुए हँसते हैं हम
ध्यान हम से न हटा कूज़ा-गर
बनते बनते ही बिगड़ते हैं हम
बस यही राब्ता बाक़ी है अब
एक ही शह्र में रहते हैं हम
सब्ज़ क़िरअत की ज़रूरत है जिन्हें
हाँ वही ज़र्द नविश्ते हैं हम
nīl-gūñ naav se utre haiñ ham
malgajī ghaaT pe baiThe haiñ ham
raakh hotā hī nahīñ vo manzar
roz chaqmāq ragaḌte haiñ ham
zaat us kī hai kalīdī goyā
us se milte haiñ to khulte haiñ ham
aabla phūTtā hai jaise koī
bain karte hue hañste haiñ ham
dhyān ham se na haTā kūza-gar
bante bante hī bigaḌte haiñ ham
bas yahī rābta baaqī hai ab
ek hī shahr meñ rahte haiñ ham
sabz qir.at kī zarūrat hai jinheñ
haañ vahī zard navishte haiñ ham
نیلگوں ناؤ سے اترے ہیں ہم
ملگجی گھاٹ پہ بیٹھے ہیں ہم
راکھ ہوتا ہی نہیں وہ منظر
روز چقماق رگڑتے ہیں ہم
ذات اس کی ہے کلیدی گویا
اس سے ملتے ہیں تو کھلتے ہیں ہم
آبلہ پھوٹتا ہے جیسے کوئی
بین کرتے ہوئے ہنستے ہیں ہم
دھیان ہم سے نہ ہٹا کوزہ گر
بنتے بنتے ہی بگڑتے ہیں ہم
بس یہی رابطہ باقی ہے اب
ایک ہی شہر میں رہتے ہیں ہم
سبز قرأت کی ضرورت ہے جنہیں
ہاں وہی زرد نوشتے ہیں ہم