वस्ल आसान है क्या मुश्किल है
तुझ को ये ध्यान है क्या मुश्किल है
वज़्अ का ध्यान है क्या मुश्किल है
दोस्त नादान है क्या मुश्किल है
होंट पर जान है क्या मुश्किल है
मुश्किल आसान है क्या मुश्किल है
हाए दीवाना बना कर कहना
फिर भी इक शान है क्या मुश्किल है
अब जगह चाहिए वहशत को मिरी
तंग मैदान है क्या मुश्किल है
जिस को मर मिट के मिटाया था अभी
फिर वही ध्यान है क्या मुश्किल है
बे-बुलाए कहीं जाने के नहीं
आ पड़ी आन है क्या मुश्किल है
हम न उठते हैं न वो देते हैं
हाथ में पान है क्या मुश्किल है
हम को समझाए समझ नासेह की
फिर ये एहसान है क्या मुश्किल है
मेरे बद-अहद को अल्लाह रखे
मौत आसान है क्या मुश्किल है
उस ने रक्खा है वो दरबाँ जिस से
जान-पहचान है क्या मुश्किल है
शैख़ करता है बुतों की ग़ीबत
फिर मुसलमान है क्या मुश्किल है
हुस्न पर ख़ल्क़ मिटी जाती है
जो है क़ुर्बान है क्या मुश्किल है
हिज्र में जान निकलती नहीं आह
ये भी अरमान है क्या मुश्किल है
बंदगी बुत की ख़ुदा के बंदे
कुफ़्र ईमान है क्या मुश्किल है
चारागर को है मिरे फ़िक्र-ए-दवा
दर्द ही जान है क्या मुश्किल है
बज़्म में ज़हर उगलने को अदू
दर पे दरबान है क्या मुश्किल है
यूँ तो पहले भी मोहब्बत थी 'हफ़ीज़'
अब तो ईमान है क्या मुश्किल है
vasl āsān hai kyā mushkil hai
tujh ko ye dhyān hai kyā mushkil hai
vaz.a kā dhyān hai kyā mushkil hai
dost nādān hai kyā mushkil hai
hoñT par jaan hai kyā mushkil hai
mushkil āsān hai kyā mushkil hai
haa.e dīvāna banā kar kahnā
phir bhī ik shaan hai kyā mushkil hai
ab jagah chāhiye vahshat ko mirī
tañg maidān hai kyā mushkil hai
jis ko mar miT ke miTāyā thā abhī
phir vahī dhyān hai kyā mushkil hai
be-bulā.e kahīñ jaane ke nahīñ
aa paḌī aan hai kyā mushkil hai
ham na uThte haiñ na vo dete haiñ
haath meñ paan hai kyā mushkil hai
ham ko samjhā.e samajh nāseh kī
phir ye ehsān hai kyā mushkil hai
mere bad-ahd ko allāh rakhe
maut āsān hai kyā mushkil hai
us ne rakkhā hai vo darbāñ jis se
jān-pahchān hai kyā mushkil hai
shaiḳh kartā hai butoñ kī ġhībat
phir musalmān hai kyā mushkil hai
husn par ḳhalq miTī jaatī hai
jo hai qurbān hai kyā mushkil hai
hijr meñ jaan nikaltī nahīñ aah
ye bhī armān hai kyā mushkil hai
bandagī but kī ḳhudā ke bande
kufr īmān hai kyā mushkil hai
chāragar ko hai mire fikr-e-davā
dard hī jaan hai kyā mushkil hai
bazm meñ zahr ugalne ko adū
dar pe darbān hai kyā mushkil hai
yuuñ to pahle bhī mohabbat thī 'hafīz'
ab to īmān hai kyā mushkil hai
وصل آسان ہے کیا مشکل ہے
تجھ کو یہ دھیان ہے کیا مشکل ہے
وضع کا دھیان ہے کیا مشکل ہے
دوست نادان ہے کیا مشکل ہے
ہونٹ پر جان ہے کیا مشکل ہے
مشکل آسان ہے کیا مشکل ہے
ہائے دیوانہ بنا کر کہنا
پھر بھی اک شان ہے کیا مشکل ہے
اب جگہ چاہیے وحشت کو مری
تنگ میدان ہے کیا مشکل ہے
جس کو مر مٹ کے مٹایا تھا ابھی
پھر وہی دھیان ہے کیا مشکل ہے
بے بلائے کہیں جانے کے نہیں
آ پڑی آن ہے کیا مشکل ہے
ہم نہ اٹھتے ہیں نہ وہ دیتے ہیں
ہاتھ میں پان ہے کیا مشکل ہے
ہم کو سمجھائے سمجھ ناصح کی
پھر یہ احسان ہے کیا مشکل ہے
میرے بد عہد کو اللہ رکھے
موت آسان ہے کیا مشکل ہے
اس نے رکھا ہے وہ درباں جس سے
جان پہچان ہے کیا مشکل ہے
شیخ کرتا ہے بتوں کی غیبت
پھر مسلمان ہے کیا مشکل ہے
حسن پر خلق مٹی جاتی ہے
جو ہے قربان ہے کیا مشکل ہے
ہجر میں جان نکلتی نہیں آہ
یہ بھی ارمان ہے کیا مشکل ہے
بندگی بت کی خدا کے بندے
کفر ایمان ہے کیا مشکل ہے
چارہ گر کو ہے مرے فکر دوا
درد ہی جان ہے کیا مشکل ہے
بزم میں زہر اگلنے کو عدو
در پہ دربان ہے کیا مشکل ہے
یوں تو پہلے بھی محبت تھی حفیظؔ
اب تو ایمان ہے کیا مشکل ہے