उस को आज़ादी न मिलने का हमें मक़्दूर है
हम इधर मजबूर हैं और वो उधर मजबूर है
शब को छुप कर आइए आना अगर मंज़ूर है
आप के घर से हमारा घर ही कितनी दूर है
लाख मिन्नत की मगर इक बात भी मुँह से न की
आप की तस्वीर भी कितनी बड़ी मग़रूर है
इस अँधेरी रात में ऐ शैख़ पहचानेगा कौन
बंद है मस्जिद का दर तो मय-कदा क्या दूर है
एक रश्क-ए-ग़ैर का सदमा तो उठ सकता नहीं
और जो फ़रमाइए सब कुछ हमें मंज़ूर है
मर गया दुश्मन तो उस का सोग तुम को क्या ज़रूर
कौन सी ये रस्म है ये कौन सा दस्तूर है
ज़ाहिद इस उम्मीद पर मिलना हसीनों से न छोड़
ख़ुल्द में नादान तेरे ही लिए क्या हूर है
हश्र के दिन क्या कहेंगे ये अगर आया ख़याल
शिकवा करना यार का पास-ए-वफ़ा से दूर है
कुछ 'हफ़ीज़' ऐसा नहीं जिस से कि तुम वाक़िफ़ न हो
आदमी वो तो बहुत मा'रूफ़ है मशहूर है
us ko āzādī na milne kā hameñ maqdūr hai
ham idhar majbūr haiñ aur vo udhar majbūr hai
shab ko chhup kar aa.iye aanā agar manzūr hai
aap ke ghar se hamārā ghar hī kitnī duur hai
laakh minnat kī magar ik baat bhī muñh se na kī
aap kī tasvīr bhī kitnī baḌī maġhrūr hai
is añdherī raat meñ ai shaiḳh pahchānegā kaun
band hai masjid kā dar to mai-kada kyā duur hai
ek rashk-e-ġhair kā sadma to uTh saktā nahīñ
aur jo farmā.iye sab kuchh hameñ manzūr hai
mar gayā dushman to us kā sog tum ko kyā zarūr
kaun sī ye rasm hai ye kaun sā dastūr hai
zāhid is ummīd par milnā hasīnoñ se na chhoḌ
ḳhuld meñ nādān tere hī liye kyā huur hai
hashr ke din kyā kaheñge ye agar aayā ḳhayāl
shikva karnā yaar kā pās-e-vafā se duur hai
kuchh 'hafīz' aisā nahīñ jis se ki tum vāqif na ho
aadmī vo to bahut mā'rūf hai mash.hūr hai
اس کو آزادی نہ ملنے کا ہمیں مقدور ہے
ہم ادھر مجبور ہیں اور وہ ادھر مجبور ہے
شب کو چھپ کر آئیے آنا اگر منظور ہے
آپ کے گھر سے ہمارا گھر ہی کتنی دور ہے
لاکھ منت کی مگر اک بات بھی منہ سے نہ کی
آپ کی تصویر بھی کتنی بڑی مغرور ہے
اس اندھیری رات میں اے شیخ پہچانے گا کون
بند ہے مسجد کا در تو مے کدہ کیا دور ہے
ایک رشک غیر کا صدمہ تو اٹھ سکتا نہیں
اور جو فرمائیے سب کچھ ہمیں منظور ہے
مر گیا دشمن تو اس کا سوگ تم کو کیا ضرور
کون سی یہ رسم ہے یہ کون سا دستور ہے
زاہد اس امید پر ملنا حسینوں سے نہ چھوڑ
خلد میں نادان تیرے ہی لیے کیا حور ہے
حشر کے دن کیا کہیں گے یہ اگر آیا خیال
شکوہ کرنا یار کا پاس وفا سے دور ہے
کچھ حفیظؔ ایسا نہیں جس سے کہ تم واقف نہ ہو
آدمی وہ تو بہت معروف ہے مشہور ہے