'उम्र-भर ख़्वाब-ए-मोहब्बत से न बेदार हुए
इसी किरदार से हम साहब-ए-किरदार हुए
कभी काँटों की जराहत से भी आराम मिला
लाला-ओ-गुल भी कभी बाइस-ए-आज़ार हुए
आदमियत के ख़द-ओ-ख़ाल को ज़ीनत न मिली
सारे आईन फ़क़त नक़्श-ब-दीवार हुए
हाए वो हुस्न किसी ने भी न देखा जिस को
हाए वो राज़ जो रुस्वा सर-ए-बाज़ार हुए
कितने दुश्मन थे ज़माने में हमारे लेकिन
अपनी ही हस्ती से हम बरसर-ए-पैकार हुए
दोस्तो एक तुम्हारी भी रिया-कारी से
हम को होना था ख़बर-दार ख़बर-दार हुए
नौहा-ए-ज़ात का ये भी तो इक अंदाज़ हुआ
अश्क आँखों में नहीं आए तो अश’आर हुए
बात कुछ यूँ है कि हिम्मत ही न हारी हम ने
मेरे पिंदार-ए-ख़ुदी पर तो बहुत वार हुए
रंग-ओ-बू पाँव की ज़ंजीर हुए जाते हैं
जा नसीम-ए-सहरी हम तो गिरफ़्तार हुए
हम कि सर-गर्म-ए-सफ़र थे रहे सर-गर्म-ए-सफ़र
मरहले तो कभी आसाँ कभी दुश्वार हुए
अब तो ना-क़द्री-ए-अर्बाब-ए-हुनर है ऐ 'लैस'
आप क्या सोच के इस 'अह्द में फ़नकार हुए
'umr-bhar ḳhvāb-e-mohabbat se na bedār hue
isī kirdār se ham sāhab-e-kirdār hue
kabhī kāñToñ kī jarāhat se bhī ārām milā
lāla-o-gul bhī kabhī bā.is-e-āzār hue
ādmiyyat ke ḳhad-o-ḳhāl ko zīnat na milī
saare aa.iin faqat naqsh-ba-dīvār hue
haa.e vo husn kisī ne bhī na dekhā jis ko
haa.e vo raaz jo rusvā sar-e-bāzār hue
kitne dushman the zamāne meñ hamāre lekin
apnī hī hastī se ham barsar-e-paikār hue
dosto ek tumhārī bhī riyā-kārī se
ham ko honā thā ḳhabar-dār ḳhabar-dār hue
nauha-e-zāt kā ye bhī to ik andāz huā
ashk āñkhoñ meñ nahīñ aa.e to ash’ār hue
baat kuchh yuuñ hai ki himmat hī na haarī ham ne
mere pindār-e-ḳhudī par to bahut vaar hue
rang-o-bū paañv kī zanjīr hue jaate haiñ
jā nasīm-e-saharī ham to giraftār hue
ham ki sar-garm-e-safar the rahe sar-garm-e-safar
marhale to kabhī āsāñ kabhī dushvār hue
ab to nā-qadrī-e-arbāb-e-hunar hai ai 'lais'
aap kyā soch ke is 'ahd meñ fankār hue
عمر بھر خواب محبت سے نہ بیدار ہوئے
اسی کردار سے ہم صاحب کردار ہوئے
کبھی کانٹوں کی جراحت سے بھی آرام ملا
لالہ و گل بھی کبھی باعث آزار ہوئے
آدمیت کے خد و خال کو زینت نہ ملی
سارے آئین فقط نقش بہ دیوار ہوئے
ہائے وہ حسن کسی نے بھی نہ دیکھا جس کو
ہائے وہ راز جو رسوا سر بازار ہوئے
کتنے دشمن تھے زمانے میں ہمارے لیکن
اپنی ہی ہستی سے ہم برسر پیکار ہوئے
دوستو ایک تمہاری بھی ریا کاری سے
ہم کو ہونا تھا خبردار خبردار ہوئے
نوحۂ ذات کا یہ بھی تو اک انداز ہوا
اشک آنکھوں میں نہیں آئے تو اشعار ہوئے
بات کچھ یوں ہے کہ ہمت ہی نہ ہاری ہم نے
میرے پندار خودی پر تو بہت وار ہوئے
رنگ و بو پاؤں کی زنجیر ہوئے جاتے ہیں
جا نسیم سحری ہم تو گرفتار ہوئے
ہم کہ سر گرم سفر تھے رہے سر گرم سفر
مرحلے تو کبھی آساں کبھی دشوار ہوئے
اب تو ناقدرئ ارباب ہنر ہے اے لیثؔ
آپ کیا سوچ کے اس عہد میں فن کار ہوئے