उम्र भर के ख़्वाब का हासिल समझ बैठे हैं लोग
साया-ए-दीवार को मंज़िल समझ बैठे हैं लोग
दश्त-ओ-दरिया से गुज़र हो या ख़लाओं का सफ़र
अब भी आसाँ है मगर मुश्किल समझ बैठे हैं लोग
किस नज़र से देखते हैं मुझ को सब मालूम है
अपनी जानिब से मुझे ग़ाफ़िल समझ बैठे हैं लोग
ज़िंदगी के एक इक पल की ख़बर रखता हूँ मैं
बे-नियाज़-ए-हाल-ओ-मुस्तक़बिल समझ बैठे हैं लोग
मौजा-ए-आफ़ात का रुख़ मोड़ने में ग़र्क़ हूँ
मुझ को भी आसूदा-ए-साहिल समझ बैठे हैं लोग
साज़िशी पर्दा पड़ा है झूट सच के दरमियाँ
कौन क़ातिल है किसे क़ातिल समझ बैठे हैं लोग
किस क़दर ज़ी-फ़हम हैं सब किस क़दर बालिग़-नज़र
एक जुगनू को मह-ए-कामिल समझ बैठे हैं लोग
जो गुज़रता है वो ठोकर मार देता है 'ज़फ़र'
राह के पत्थर को मेरा दिल समझ बैठे हैं लोग
umr bhar ke ḳhvāb kā hāsil samajh baiThe haiñ log
sāya-e-dīvār ko manzil samajh baiThe haiñ log
dasht-o-dariyā se guzar ho yā ḳhalāoñ kā safar
ab bhī āsāñ hai magar mushkil samajh baiThe haiñ log
kis nazar se dekhte haiñ mujh ko sab mālūm hai
apnī jānib se mujhe ġhāfil samajh baiThe haiñ log
zindagī ke ek ik pal kī ḳhabar rakhtā huuñ maiñ
be-niyāz-e-hāl-o-mustaqbil samajh baiThe haiñ log
mauja-e-āfāt kā ruḳh moḌne meñ ġharq huuñ
mujh ko bhī āsūda-e-sāhil samajh baiThe haiñ log
sāzishī parda paḌā hai jhuuT sach ke darmiyāñ
kaun qātil hai kise qātil samajh baiThe haiñ log
kis qadar zī-fahm haiñ sab kis qadar bāliġh-nazar
ek jugnū ko mah-e-kāmil samajh baiThe haiñ log
jo guzartā hai vo Thokar maar detā hai 'zafar'
raah ke patthar ko merā dil samajh baiThe haiñ log
عمر بھر کے خواب کا حاصل سمجھ بیٹھے ہیں لوگ
سایۂ دیوار کو منزل سمجھ بیٹھے ہیں لوگ
دشت و دریا سے گزر ہو یا خلاؤں کا سفر
اب بھی آساں ہے مگر مشکل سمجھ بیٹھے ہیں لوگ
کس نظر سے دیکھتے ہیں مجھ کو سب معلوم ہے
اپنی جانب سے مجھے غافل سمجھ بیٹھے ہیں لوگ
زندگی کے ایک اک پل کی خبر رکھتا ہوں میں
بے نیاز حال و مستقبل سمجھ بیٹھے ہیں لوگ
موجۂ آفات کا رخ موڑنے میں غرق ہوں
مجھ کو بھی آسودۂ ساحل سمجھ بیٹھے ہیں لوگ
سازشی پردہ پڑا ہے جھوٹ سچ کے درمیاں
کون قاتل ہے کسے قاتل سمجھ بیٹھے ہیں لوگ
کس قدر ذی فہم ہیں سب کس قدر بالغ نظر
ایک جگنو کو مہ کامل سمجھ بیٹھے ہیں لوگ
جو گزرتا ہے وہ ٹھوکر مار دیتا ہے ظفرؔ
راہ کے پتھر کو میرا دل سمجھ بیٹھے ہیں لوگ