तुझे न आएँगी मुफ़्लिस की मुश्किलात समझ
मैं छोटे लोगों के घर का बड़ा हूँ बात समझ
मिरे 'अलावा हैं छे लोग मुनहसिर मुझ पर
मिरी हर एक मुसीबत को ज़र्ब सात समझ
फ़लक से कट के ज़मीं पर गिरी पतंगें देख
तू हिज्र काटने वालों की नफ़्सियात समझ
शुरू' दिन से उधेड़ा गया है मेरा वुजूद
जो दिख रहा है उसे मेरी बाक़ियात समझ
किताब-ए-'इश्क़ में हर आह एक आयत है
और आँसुओं को हुरूफ़-ए-मुक़त्ति’आत समझ
करें ये काम तो कुंबे का वक़्त कटता है
हमारे हाथों को घर की घड़ी के हाथ समझ
दिल-ओ-दिमाग़ ज़रूरी हैं ज़िंदगी के लिए
ये हाथ-पाँव इज़ाफ़ी सहूलियात समझ
tujhe na ā.eñgī muflis kī mushkilāt samajh
maiñ chhoTe logoñ ke ghar kā baḌā huuñ baat samajh
mire 'alāva haiñ chhe log munhasir mujh par
mirī har ek musībat ko zarb saat samajh
falak se kaT ke zamīñ par girī patangeñ dekh
tū hijr kāTne vāloñ kī nafsiyāt samajh
shurū' din se udheḌā gayā hai merā vujūd
jo dikh rahā hai use merī bāqiyāt samajh
kitāb-e-'ishq meñ har aah ek aayat hai
aur āñsuoñ ko hurūf-e-muqatti’āt samajh
kareñ ye kaam to kumbe kā vaqt kaTtā hai
hamāre hāthoñ ko ghar kī ghaḌī ke haath samajh
dil-o-dimāġh zarūrī haiñ zindagī ke liye
ye hāth-pāñv izāfī sahūliyāt samajh
تجھے نہ آئیں گی مفلس کی مشکلات سمجھ
میں چھوٹے لوگوں کے گھر کا بڑا ہوں بات سمجھ
مرے علاوہ ہیں چھ لوگ منحصر مجھ پر
مری ہر ایک مصیبت کو ضرب سات سمجھ
فلک سے کٹ کے زمیں پر گری پتنگیں دیکھ
تو ہجر کاٹنے والوں کی نفسیات سمجھ
شروع دن سے ادھیڑا گیا ہے میرا وجود
۔۔۔جو دکھ رہا ہے اسے میری باقیات سمجھ
کتاب عشق میں ہر آہ ایک آیت ہے
اور آنسوؤں کو حروف مقطعات سمجھ
کریں یہ کام تو کنبے کا وقت کٹتا ہے
ہمارے ہاتھوں کو گھر کی گھڑی کے ہاتھ سمجھ
دل و دماغ ضروری ہیں زندگی کے لئے
یہ ہاتھ پاؤں اضافی سہولیات سمجھ