तोल लेकिन देख मुझ में नम इज़ाफ़ी है भई
इस को मिन्हा कर के लिख जो वज़्न साफ़ी है भई
मैं अकेला ढो रहा हूँ बोझ दुहरे हिज्र का
ये अधूरे 'इश्क़ की पूरी तलाफ़ी है भई
लफ़्ज़ रेशों की तरह बुनना है शामिल ख़ून में
मेरे आबा का हुनर क़ालीन बाफ़ी है भई
उस क़दर रो जिस क़दर बनता है ग़म का अस्ल ज़र
सूद तो वैसे भी मज़हब के मुनाफ़ी है भई
आदमी के साथ क्या करती है कमबख़्त आगही
आइना देखा अभी तौबा मु'आफ़ी है भई
इतनी वहशत जज़्ब करते सैंकड़ों लग जाएँगे
हाँ अगर मुझ सा हो तो इक-आध काफ़ी है भई
वो ज़ियादा से ज़ियादा क्या करेगा देख लूँ
तजरबाती क़िस्म की वा'दा-ख़िलाफ़ी है भई
tol lekin dekh mujh meñ nam izāfī hai bha.ī
is ko minhā kar ke likh jo vazn saafī hai bha.ī
maiñ akelā Dho rahā huuñ bojh duhre hijr kā
ye adhūre 'ishq kī puurī talāfī hai bha.ī
lafz reshoñ kī tarah bunñā hai shāmil ḳhuun meñ
mere aabā kā hunar qālīn baafī hai bha.ī
us qadar ro jis qadar bantā hai ġham kā asl zar
suud to vaise bhī maz.hab ke munāfī hai bha.ī
aadmī ke saath kyā kartī hai kam-baḳht āgahī
aa.ina dekhā abhī tauba mu'āfī hai bha.ī
itnī vahshat jazb karte saiñkaḌoñ lag jā.eñge
haañ agar mujh sā ho to ik-ādh kaafī hai bha.ī
vo ziyāda se ziyāda kyā karegā dekh luuñ
tajrabātī qism kī vā'da-ḳhilāfī hai bha.ī
تول لیکن دیکھ مجھ میں نم اضافی ہے بھئی
اس کو منہا کر کے لکھ جو وزن صافی ہے بھئی
میں اکیلا ڈھو رہا ہوں بوجھ دہرے ہجر کا
یہ ادھورے عشق کی پوری تلافی ہے بھئی
لفظ ریشوں کی طرح بننا ہے شامل خون میں
میرے آبا کا ہنر قالین بافی ہے بھئی
اس قدر رو جس قدر بنتا ہے غم کا اصل زر
سود تو ویسے بھی مذہب کے منافی ہے بھئی
آدمی کے ساتھ کیا کرتی ہے کم بخت آگہی
آئنہ دیکھا ابھی توبہ معافی ہے بھئی
اتنی وحشت جذب کرتے سینکڑوں لگ جائیں گے
ہاں اگر مجھ سا ہو تو اک آدھ کافی ہے بھئی
وہ زیادہ سے زیادہ کیا کرے گا دیکھ لوں
تجرباتی قسم کی وعدہ خلافی ہے بھئی