तिरे जल्वों का वो आलम नहीं है
शुऊ'र-ए-दीद वर्ना कम नहीं है
निज़ाम-ए-ज़िंदगी है मुंतशिर सा
मिज़ाज-ए-यार तो बरहम नहीं है
कभी लज़्ज़त-कश-ए-राहत न होंगे
मयस्सर जिन को तेरा ग़म नहीं है
दिया है ग़म ज़माने भर का मुझ को
इनायत ये भी तेरी कम नहीं है
हमें उम्मीद हो क्यों कर करम की
सितम भी जब तिरा पैहम नहीं है
नवाज़िश हो गई जिस पर जुनूँ की
उसे दुनिया में कोई ग़म नहीं है
मयस्सर है तिरी आँखों की मस्ती
मुझे सौदा-ए-जाम-ए-जम नहीं है
सलीक़ा हो अगर जीने का 'साबिर'
हयात-ए-चंद-रोज़ा कम नहीं है
tire jalvoñ kā vo aalam nahīñ hai
shu.ūr-e-dīd varna kam nahīñ hai
nizām-e-zindagī hai muntashir sā
mizāj-e-yār to barham nahīñ hai
kabhī lazzat-kash-e-rāhat na hoñge
mayassar jin ko terā ġham nahīñ hai
diyā hai ġham zamāne bhar kā mujh ko
ināyat ye bhī terī kam nahīñ hai
hameñ ummīd ho kyoñ kar karam kī
sitam bhī jab tirā paiham nahīñ hai
navāzish ho ga.ī jis par junūñ kī
use duniyā meñ koī ġham nahīñ hai
mayassar hai tirī āñkhoñ kī mastī
mujhe saudā-e-jām-e-jam nahīñ hai
salīqa ho agar jiine kā 'sābir'
hayāt-e-chand-roza kam nahīñ hai
ترے جلووں کا وہ عالم نہیں ہے
شعور دید ورنہ کم نہیں ہے
نظام زندگی ہے منتشر سا
مزاج یار تو برہم نہیں ہے
کبھی لذت کش راحت نہ ہوں گے
میسر جن کو تیرا غم نہیں ہے
دیا ہے غم زمانے بھر کا مجھ کو
عنایت یہ بھی تیری کم نہیں ہے
ہمیں امید ہو کیوں کر کرم کی
ستم بھی جب ترا پیہم نہیں ہے
نوازش ہو گئی جس پر جنوں کی
اسے دنیا میں کوئی غم نہیں ہے
میسر ہے تری آنکھوں کی مستی
مجھے سودائے جام جم نہیں ہے
سلیقہ ہو اگر جینے کا صابرؔ
حیات چند روزہ کم نہیں ہے